شيفروليه كابريس 2016 مستخدم الممشى: 211 ألف كيلو السلام عليكم للبيع كابرس LTZ محول LS من الخارج و ظفيرة الكشافات الاماميه موجودة الموديل 2016 اللون فضي الممشى 211 الف وكسور قابل للزيادة بحكم الاستخدام اليومي بشرح تفاصيله بالكامل المكينه وكالة وتكايات وكالة والزيت اللي أغيره له قيمته 495 ريال - LIQUI MOLY 10W40 القير وكالة شرط مغير له صوف على كلام راعيه السابق ومغير زيته وفلتره وأموره طيبه الشاصي وكالة من الصدام للصدام البودي رش و معجون في الرفرف الخلفي يمين ورش القائم البيبان يمين مغيره تشليح نفس اللون الرفرف الأمامي يمين مغير تشليح نفس اللون البيبان يسار و الرفرف الأمامي يسار فيها تعديل بدون رش والمسامير فيها آثار شد وهذي كلها من راعيها السابق فيه بداية تبهيت خفيف في جزء من القائم اليمين فيه بداية تبهيت او اثر تلميع قوي في الكبوت فيه بعض الدقات الخفيفه وعلى ماهي عليه بصفة عامه الموتر منظره طيب ولا تشوهه الملاحظات المذكورة الارباق الستاره اليمين فقط طالع ومرجع العضلات منفوضه بالكامل امامي وخلفي عند راشد السبيعي 4200 ريال قبل كم اسبوع وعليها ضمان مغير سيور وبكرات الكفرات طقم جديد قبل اسبوع وعليها ضمان البطاريه جديدة قبل كم يوم وعليها ضمان الكهرباء وكالة بدون اي ملاحظات المكيف باااااااارد كان فيه ملاحظة بسيطه احيان يفصل التبريد واطفي وأشغل ويرجع طبيعي وبعد الفحص قالو غير حساس كمبرسر ويضبط و للأفضل تم تغيرر كمبرسر و رديتر مكيف و بلف ثلاجة وليات كامله كلها جديد والمكيف الان بدون اي ملاحظات كذلك عليه ضمان تم دفع مبلغ 13 الف وكسور في صيانة السيارة تم ذكر جميع اموره كاااامله إبراء للذمه لا يتوااااصل إلى الشخص الجاد والصامل الموتر جاهز ومنفوض و متعوب عليه دق سلف ورح فيه قريب وبعيد ما عليه خوف باذن الله السعر / على السوم و اختصار للوقت وصل سومه في المعارض 49000 وباقي عليه البيع كاش اقبل البدل ويفضل جمس سييرا HD2500 غماره مع دفع الفرق ان وجد مالي حد نهائياً اي شخص بيتواصل معي وما شاف الإعلان كامل اعتذر منه اقل من السوم المذكور لا تكلمني