هيونداي اكسنت 2017 مستخدم قير اوتماتيك بنزين الممشى: 277 ألف كيلو السلام عليكم ورحمة الله وبركاته اليوم اعرض لكم موتري للبيع اكسنت 2017 1.6 الممشى توه داخل 277 الف مكينة موضبه السبب حراره وصار لها سنتين ونص لا حراره ولا نقص زيت ولا شي واغير الزيت اول باول مع السيفون القير وكاله و القير مو cvt قيرها اربع نمر ونادر تحصله الايرباق وكالة و الشاصي وكالة و القزاز كله وكالة البدي فيه طقات خفيفه بعرضها بصور قد جا عليها حادثين واحد على الباب المعاون وجا تحت على السمكه غيرت الباب من التشاليح وكاله مافيه شي وانظف من الي كان عليها و الثاني جاها من ورا على الدبه و الصدام الخلفي وعدلت الدبه تعديل بارد وضبطت الوزنيات و الصدام اخذت لها واحد ونظيف من التشاليح بدون حساسات خلفيه لن وقتها مكان في وكالة ولا ترا هي فيها حساسات خلفيه و فيه خدوش في الدبه من سبت واحد حسيبه ربه — فيه مشكله في rpm يلعب اذا وقف الموتر ويرطب المكيف المشكله هاذي تروح اذا نظفت البوابة تجلس ابو كم شهر وترجع ذكرتها لإبراء الذمة —- المواصفات تحكم طارة قزاز كهرباء قير اتوماتيك نظام توفير الوقود eco تحكم المرايا مانع الانزلاق إشارات بالمرايا فرامل ABS مدخل AUX-USB حساسات خلفية بس انا مركب صدام خلفي بدون حساسات يمديك تخرم لها وتركب لاكن انا خليتها بدون للمعلومية الطيس الي عليها تيوان طيسها الاصليه موجوده ولا ركبتها —- الاضافات عازل حراري من شركة (رداد) كامل السيارة وعليه ضمان 10 سنين مع الفاتورة ومركب لها شمعات الفل عشان اللد وسكن لد الشمعات صيني درجة اولى ومركب عليها حماية الاماني ومركب الشمعات الخلفية ديبو مكحل ويعلم الله لو فيه اصلي لركب لاكن مافيه مكحل الا ديبو ومركب كفارات جديده ومعرض الكفر للمعلوميه عشان الرساوه و الكفر الواحد ب230 وجديده مصار لها سنه مع خدمه الطريق اول استخدام سطحتين مجاني وخارج المملكة استخدام مره وحده مجاني وفي الختام اتمنى مايجيني الا الصامل المستخدم الشريطي والي يدور مكسب لا يتصل ولا يحاول ويعلم الله ان الموتر كفو ولو الظروف ما ينباع عمومن و الخلاصة (اي سومه تحت 20 لن ينظر لها واتمنى مراعاة وقّت الأتصال ولا يتصل الا الصامل ) السوم واصل 21 و الصامل ما نختلف معه (بالمعقول)