هيونداي اكسنت 2013 مستخدم قير اوتماتيك بنزين الممشى: 411 ألف كيلو أو أكثر هيونداي اكسنت 2013 مستعملة الممشى: ⁨411⁩ هونداي اكسنت موديل 2013 أسود الممشى: 411,000 كم — ممشى حقيقي السيارة معي تقريبًا 7 سنوات، واستخدامي لها مستمر، وأسافر عليها أسبوعيًا/شهريًا تقريبًا. بقول كل اللي أعرفه عن السيارة إبراءً للذمة: أنا شريتها قبل حوالي 7 سنوات بدون فحص، فما أدري كم كان عدد ملاكها قبلي ولا أدري وش صار عليها قبل ما آخذها من حوادث أو غيره. خلال الـ7 سنوات اللي معي صار لها حادث من قدام، وما طلعت الإيرباقات، وصار لها حادث بسيط بالصدام الخلفي، وسبب اختلاف بسيط بوزنية الشنطة والصدام فقط. الصدام الأمامي يحتاج وزنية بسيطة، وهذا مو بسبب حادث، السبب أن كفر انفقع علي قبل فترة وأثر عليه، وفيه شرخ بالزجاجة الأمامية. عموم الكفرات ممتازة. كذلك رشيت البودي كامل توحيد لون بسبب التبهيت اللي كان موجود سابقًا، خصوصًا أن لون السيارة أسود ومع شمس السعودية معروف وش تسوي 😂. الرش كان لتوحيد اللون وتحسين الشكل. المكينة موضبة تقريبًا قبل سنتين إلى 3 سنوات، وأمورها طيبة ولله الحمد، لا حرارة ولا نقص ولا تهريبات حسب علمي، والموتر عمومًا متماسك. القير تعشيقاته توب التوب ولله الحمد، وزيته قبل سنة أو سنتين تقريبًا سحبت منه علبة أو علبتين وحطيت نفس الكمية اللي سحبتها، وما غيرته كامل. الجلنط: السيارة حاليًا ما تمسك جلنط، وممكن يحتاج شد أو فيه سبب ثاني، لكن بصراحة ما أدري وش المشكلة بالضبط، والمشتري يفحصه ويعرف وش يحتاج. حاليًا السيارة تحتاج لها شوية أشياء بسيطة واستهلاكية، مثل تصفية مكينة، والدينمو يحتاج فحص وممكن يحتاج تغيير، وممكن فيه بكره أو شغلات بسيطة غيرها حسب الفحص. الاستمارة مفوّتة من تاريخ 2021، والسيارة غير مفحوصة، وتجديد الاستمارة والفحص على المشتري. أنا ما أقول لك الموتر كامل ولا أضمن لك شيء ما أعرفه، خصوصًا إني ما أدري وش كان وضعه قبل ما اشتريه. اللي أعرفه قلته كامل، واللي ما أعرفه ما أقدر أفتي فيه. المشتري يفحص الموتر بأي مكان يبيه، وأنا ما أشرط عليه فحص معين ولا أقول له لا تفحص كذا أو كذا. البيع على الوضع الراهن، والفحص حق المشتري. للتواصل والمفاهمة: 0583365652 إبراءً للذمة، والله على ما أقول شهيد.