كيا اوبتيما 2020 الممشى: 169 ألف كيلو بسم الله الرحمن الرحيم للبيع أو للبدل كيا أوبتيما 2020 وارد الجبر مكينة 2.0 اقتصادية جداً وموفرة للبنزين (الفل يمشي 961 كيلو وموضحه بآخر صورة). الممشى 169 ألف قابل للزيادة البسيطة لأنها سيارتي واستخدامي اليومي. السيارة يا إخوان للمستخدم اللي يدور النظيف ومحافظ عليها جداً وأغلب داخليتها لا زالت بقراطيس الوكالة والسياره مفحوصه ومجدده وجاهزه للنقل بالنسبة للصيانة نافضها من إلى وما تحتاج ريال مركب فحمات جديدة، بطارية جديدة، كويلات جديدة، وحساس شكمان جديد، ومسوي تنظيف لدبة البيئة بمحلول ومسوي تصفية كاملة للمكينة ومغير صوفة القير الزيوت ما اتأخر فيها زيت المكينة أغيره كل 5 آلاف (أستخدم شيل هيلكس ألترا تخليقي بالكامل) وزيت القير كل 40 ألف يتغير وموية الرديتر ميتسوبيشي الزرقا الأصلية (حالة البدي) مغير صدام أمامي فقط، والصدام الخلفي وكالة لكن مرشوش مع جزء من الشنطه موضح بالصوره (الفيبر البلاستيك) بسبب دقة خفيفة جداً وموضحة صورتها مع الإعلان وباقي البدي مشروط للامانة وإبراء للذمة السيارة محركاتها على الشرط لكن القير جاه (شعر بسيط جداً في الجرم الخارجي) وسببه إني كنت أغير العكس وزلت يد العامل وقت التركيب وصقع القير بالغلط وصار هالشعر تم تلحيم الشعر والتعامل معه وإصلاحه من سنة كاملة والموتر له معي سنة استخدام يومي بعد التلحيم ولله الحمد أموره تمام التمام لا فيه تهريب ولا نتعة وتبديلاته ناعمة والمشتري له حق الفحص بأي مركز يختاره عشان يتطمن والفحص خير برهان الموتر باختصار دق سلف وتوكل على الله.