شيفروليه افلانش LT 2007 قير اوتماتيك بنزين الممشى: 300 ألف كيلو أو أكثر  دبل السلام عليكم ورحمة الله وبركاته.. فضلاً قراءة الإعلان قبل السوم والاستفسار للبيع افلانش 2007 LT مراتب جلد الفحص ساري استمارة سارية ممشى السيارة 604754 كيلو البدي أتوقع فيه باب الراكب قدام يمين وهذا استنتاج من عندي لأني مشتريه مستعمل قبل 4 شهور تقريباً ، الباقي لا أعلم عنه شيء لكن فيه خدوش ولايوجد تبهيت لايوجد أصوات في السيارة ولله الحمد ماعدا صوت قشرة الطبلون في المطبات والبر وحسب ماقريت انها مشكلة عامة بالقشرة .. السيارة متماسكة وتغييرات القير سلسلة الدبل شغال والمكينة مغيره من راعيها الأول ولاواجهت فيها أي مشكلة. تم نفض أسفل السيارة تم تركيب مساعدات جبريل تم تغيير طربنبة ماء جديدة تم عمل صيانة لبعض القطع الاستهلاكية تم تغيير خرطوش الاديتر تم إصلاح الدودة تم تغيير عمود صليب الدركسون تم تغيير جميع لمبات السيارة الداخلية والخارحية من لمبات لوحات واشارات وغيرها. تم تركيب ليد جانبي وليد داخل الحوض وليد كبوت. يوجد تهريب خفيف جداً من الصوفة تحت تقريباً كل اسبوع نقط او نقطتين علشان كذا لمبة المكينة والعة. بشكل عام الموتر لايشكو من شي شغل وامش .. السيارة على السوم هنا أو في الخاص الصامل يعطي الموتر حقه ويبشر بالخير والشريطي يشرفني مروره وذكر الله.