دبابات دباب بولاريس
بقي بولاريس 2016 تيربو 2 سيت
المقاس1000 سي سي
للبيع شبه جديد والاقرب لكونه جديد ماشي فقط 1200 حولها حواليها اللون اسود رصاصي وداخليه تطعيمه برتقالي على لون فيبر الكبوت .. ومعاه قلص مفصل خصيصاً له سليم ومتماسك ومدعم بصاجات كامل العربه ،
تفاصيل البقي والاكسسوارات المزوده عليه :
المكينه والشاصات شرط
الاذرعه والمقصات شرط
الفرامل والقير سليم شرط
عليه مساعدات بالكامل فوكس غاز
وعليه ليدات اضاءات تتحكم فيها من الجوال للأرايل واللمبات اللي فوق الكفرات (ملاحضه الاماكن حقت الارايل موجوده وجاهزه ولكن الارايل ليست موجوده )
عليه لديتر اضافي ومراوح اضافيه بفصّال خاص لتبريد التوربو بشغل كراج موثوق ومعروف .
ليد بار علوي على طول الدعاميه العلويه بشكل جمالي واناره قويه بفصّال خاص له .
مسجل وسماعات قويه وسليمه تدعم خاصية البلوتوث .
مرايات جانبيه دائريه حديد .
يوجد (مصدّ للهواء ) قزازه سبورت تقدر تتحكم في موضعها الامامي حاجبه للهواء بإمكانية فكها او تركيبها على حسب الحاجه .
احزمة الامان سليمه شرط والفيابر سليمه شرط ماعدا الكبوت يبغاله كلبس فقط لاغير .
يوجد دروج تخزين عدد اثنين داخل البقي والابواب مجهزه بجيوب تخزين .
حوض خلفي صغير للتحميل والتخزين.
بطاريته سليمه جدا رغم الوقفه الطويله له.
كفراته جديده الاربع وسليمه وجنوطه سليمه شرط
من الاخير البقي جاهز للشتويه غيّر زيت ودق سلفه .
(معاه اوراقه الجمركيه في حال احتجت تطلع له لوحات من المرور )
تفاصيل العربه والقلص اللي مع البقي :
القلص مفصّل على البقي البولاريس بوجود مكان للتخزين او التعديل عليه من قبلك + عواكس سير + ونش امان وسحب لتثبيت البقي وسحبه + الرمانه والقفل وسلسلة الامان والفيش والاسطبات شغاله شرط + الكفرات والجنوط سليمه .
من الاخر القلص لوحده شغل نظيف للبقي او غيره
📌 الموقع (الرياض - عند محل جست بايك )
البيع مع العربه لـ اعلى سومه
