لما نحاسب أولادنا على كل تفصيلة هل بنربي ولا بنعقده؟🤔 في بيوت كتير اول ما الطفل يغلط تتحول اللحظة لزعل وتعليق ومحاضرة طويلة😅 وكأن الغلط دليل فشل مش مجرد موقف طبيعي بيحصل لأي إنسان🤷🏻‍ الأهل بيعملوا كده بحسن نية طبعا😅 عايزين يشوفوا ولاد مهذبين ومسؤولين وبيعرفوا الصح من الغلط بس المشكلة إن الضغط المستمر مش دايما بيخلق طفل أحسن🤷🏻‍ أوقات بيخلق طفل خايف مهزوز بيدوّر يخبي غلطه بدل ما يصلحه😔 الطفل اللي كل حركة منه محسوبة هيتعلم يرضي غيره بس مش هيتعلم يسمع نفسه🥺 هيتجنب الغلط بس مش هيتعلم من الغلط🧏🏻‍ وهيبقى حاسس دايما إنه مش كفاية💔 💭 طيب نتصرف إزاي لما يغلط؟🤔 أول حاجة: نفكر نفسنا إن الغلط جزء من النمو وإن خبرات الحياة اللي بنكتسبها احنا كبار هو كمان بيكتسبها خطوة بخطوة👌 تاني حاجة: نعالج التصرف مش الطفل👌 نشرح له الأثر من غير تهويل😉 ونقوله “إزاي يصلح” بدل ما نحسسه إنه وحش عشان غلط 💡 التربية مش إن الطفل يطلع مثالي التربية الحقيقية لما يعرف يوقف على رجله بعد الغلط ويفهم نفسه، ويتعلم يصلح ويكتسب ثقة في قدرته إنه يتحسن ابنك مش محتاج حد يراقبه محتاج حد يطمنه مكان آمن يقول فيه "أنا غلطت" من غير خوف ومن غير ما ينكسر من جوه 🧏🏻‍ خليكي وسط لا قسوة تكسر ولا تدليل يضيع وازرعي في ابنك شعور إنه يستحق يتعلم مش يتعاقب بس معكم اخصائيه تخاطب هاجر محمود مصطفى حاصله على ليسانس آداب علم اجتماع وانتثربولوجي وحاصله على دبلوم في الإرشاد النفسي والاسري وأخرى التخاطب ومعلمه تأسيس لغه عربيه خبره 7 سنوات ودبلومه في التوحد والاعاقه العقليه وتعديل سلوك تنميه المهارات اتشرف اني اقدم جلسات منزليه تجمع بين متعه اللعب والتعلم ومكان بنتعلم فيها طرق التفاعل الاجتماعي مع الاهل والأصدقاء ونعدل فيها كل السلوكات السئيه وراي نتعامل مع أطفال التوحد بشكل سليم وممتع