شيفروليه سلفرادو 2017 السلام عليكم هذه ليس المرة الاولى بل اكثر من مره هناك ميزان بالصناعية مشهور بأسم عائلة على شارع رئيسي المهم شريت سلفرادو من واحد ونقلته وحسيت فيه تفتفه بسيطه فقلت افحصه رحت لورشة مسك وفحصوه قالو مافيه شيء المهم لمحلي قال يمكن كراسي المكينه او القير فقلت افحصه عند ميزان المشهور لاكن اذكر راعية قايلي انه مغير الكراسي كلها اصلي المكينه والقير قلت على العموم بافحص يوم رحت لهم فحصو طلعولي 100 عله من ضمنها كراسي المكينه ومبلغ الاصلاح مع مسامير التوازن مع ركبه 2900 ومشيت وخليتهم رحت لخوي لي يماني عنده باكستاني شاطر راعي ميزان فحص قال الكراسي كلها جديده ومسمار التوازن بس غير ربل ب20 ريال من المحيميد ونظف الثراوتر بس للاحتياط هذا والله الي صار ويشهد الله لقيت الفواتير بدرج السياره كراسي قير وكينه ماكملن شهرين