GX 1991 قير عادي بنزين  دبل السلام عليكم يوجد عندي هالحبيب جي اكس 1991 ، فيه ايجابيات و سلبيات والسلبيات اكثر وبذكر لكم ايجابياته و سلبياته وكل عذاريبه بذكرها لكم وما انقص ولا ازود ولاني غاش احد المكينه ماعليها مافي حراره بس تنقص اذا مشيت فوق 100 كم لازم تزود نصف علبه او علبه على حسب ممشاك القير عادي وسليم وعشرة على عشرة الدفرنس الخلفي توي مغير كارونه تشليح وكاله واموره تمام التمام والدفرنس الامامي فيه ونه خفيييفه ماتسمعها الا اذا عشقت الدبل ومركب فيه تحضيره يسار والدبل ممتاز بس فيه طقه خفيفه اذا حشرته بالنفود واتوقع ترس وانا والله ما شيكت عليه الجيب سبق و انقلب مع صاحبه الي قبلي وفيه صدمه من الأمام وفيه سمكرات واجد وانا مركب له طقم كفرات صينينه جديده والان شبه جديده ، واشتريت له قبل شهرين راديتر ماء جديد الامنيوم ، والمكيف ثلج تبارك الله توي مشتري له كمبروسر ومشتري له راديتر مكيف جديد ومعبيه فريون اصلي ، وفيه شراع خلفي او فراش خلفي كمى هو موضح بالصورة وفيه دروج للابواب الخلفيه للعزبه و اغراضك، وبيني وبينك انا مشتريه للبر ( فقط ) اذا رحت للبر اروح عليه واذا رجعت وقفته بالبايكه وفيه لمبه ليد كريمي مسطره جانبيه وفيه لمبه ليد داخل الكبوت والنور الامامي مركب له زينون للواطي و ليد للعالي وبالليل يسطع كأنك بالنهار تبارك الله الجيب ماهو مفحوص والاستماره منتهيه من حوالي عشر سنوات بأسم واحد من الجيران الي امون عليه ومانقلته بأسمي لاني بالقريه وما احتاجه بالمدن وهو مهو حق مدن ميزته بالقرايا او تعلم عليه عيالك او اهلك او اذا عندك عمال يعني الجيب مكروف صدق وفيه عذاريب واجد ولكن للبر و للقرايا او الرعيان ينفع لهم بالحيل ولو اني ماني محتاج ما بعته كان خليته عندي بالبايكه لا ماكل ولا شارب ،، واتمنى من الي له شف فيه يسومه سومه تبيض الوجه وبحول الله اني اتعاون مع الكل والله يوفق الجميع