E200 2006 قير اوتماتيك بنزين الممشى: 300 ألف كيلو مرسيدس E200 2006 اذكر الله دائما وابدًا بسم الله الرحمن الرحيم 4 سلندر ممشى 430،000 السيارة بشكل عام نظيفة بالنسبة للعضلات ملاحظات بسيطة - ذراع داخلي و ذراع خارجي تمشي الحال للي مايقدر يغيرها - مقص امامي الي مثبت عليه المساعد يفضل تتغير مسببه حذفه بالكفر - رمانه ( فلنجه كامله ) يمين فيها فضاوه - عكوس خلفيه تمشي الحال للي ما يقدر يغيرها - كفرين اماميه يجب تغييرها - يبغالها عوامة بنزين لان عداد البنزين خربان هذا للي بيصينها كامله ، ولا فحصتها كمبيوتر فيها نتعة بالقير خفيفة على التعشيقة الثانية نادراً تجي ولا هي ضارتها وقد فحصتها كمبيوتر قالو ان القير سليم . فيها ثقل خفيف بالدركسون المكينه ضربت بسبب الحراره وغيرت مكينه مستورده نظيفه جدا ماهي ماشيه معي الا يمكن 10،000 بسبب ان السياره ما احركها الكمبريسر و الثلاجة غيرتهم مؤخرا جدد مع لديتر وتنظيف كامل الدائره السيارة ممشاها طيب واسافر عليها والصامل يروح يشوفلها واذا طلع الخلاف كبير يبشر بالمفاهمة اللي ترضي الجميع ان شاء الله بالنسبة للبودي الله اعلم لكن شاص شرط ولا فيها صدمة واضحة ومؤثرة على ممشى السيارة ، وصار عليها صدمه معي باب الراكب جنب السواق و كسر خفيف بالسمكه ، طبعا غيرت الباب مستورد نفس اللون والمرايه رشيتها و السمكه سويت لها لحام ورشيتها ولاهي واضح عليها شي . الملاحظة بالديكورات موجودة بالصور والملاحظات اللي بالبدي من خمش وتكسر في بعض اجزاء الصدام يوجد فيديو واضح لها يتم ارسالها واتس لمن اراد . البيع لأعلى سومة ولاني مستعجل عليها و فتح الباب يبدأ من 15 والبيع للمستخدم والشريطي لا اشوفه بالنسبه للبيع كاش او اقساط وتكون المده من 12 شهر الى 18 شهر والمبلغ الشهري 1800 على 12 شهر 2250 على 18 شهر و بيع الاقساط بيكون فيه عقد بين الطرفين موثق بمكتب محامي بالاضافه لانشاء سند امر في منصه ناجز الشروط • رخصه قياده ساريه • عدم وجود ايقاف خدمات • دفع قسط مقدم او دفعه اولى لتخفيض مدة التقسيط • نقل الملكيه بعد دفع كامل المبلغ • انشاء سند امر مدين على المشتري في منصه ناجز مبدئيا اذا وافقت على الشروط هذي تواصل معي على الواتس لارسال نسخه من العقد وقرائته وصلّ اللهم على سيدنا ونبينا محمد صلى الله عليه وسلم