نصيحه على الماشي ......... حاجات بسيطة اوع تعدي منك وانت بتأسس الكهرباء لوحدتك ﴿ 1 ﴾ اهم حاجه تكون عارف الشقة هتتفرش ازى ﴿ 2 ﴾ اطلب من الكهربائي يأخذ شيرب للشقه بخرطوم المياه او ميزان الليزر ﴿ 3 ﴾ اعمل حساب خط تكييف فى الشقه كلها حت لو مش هتركب التكييفات ويفضل تكون المفاتيح بتاعتها نايمه مش واقفه هتكون اشيك ﴿ 4 ﴾ اعمل حساب كشافات الطوارئ فى كل الشقة احسن ما تعمل بواط لتجميع اسلاك التيار الخفيف ﴿ 5 ﴾ اعمل حساب كاميرا مراقبه امام باب الشقه ﴿ 6 ﴾ اطلب من الكهربائي سلك الدش يكون فى خرطوم لوحده والسلك واصل لحد الطبق بدون لحام لكل غرف لوحدها علشان الاشاره تكون100% ﴿ 7 ﴾ اعمل جرس من المطبخ للانتريه لو حابب علشان محدش ينادى عليك وانت مع ضيوفك ﴿ 8 ﴾ اعمل حساب ديفاتير ومفتاح اربعة طرف فى غرفه النوم والطرقه لو فيه ﴿ 9 ﴾ اعمل حساب الليد بين واحدات المطبخ ﴿ 10 ﴾ اعمل لكل غرف خط للاناره وخط للبرايز وخط للتكييف لكل غرف وخط للغسالة وخط للسخان وخط للمكيروف وباقي المطبخ من خطين الي ثلاث خطوط ﴿ 11 ﴾ بلاش تركيب بواط لتجميع اسلاك الدش والتليفون وسلك النت الافضل لوحه الخدمات من فينوس ولو الإمكانية متسمحش ممكن لوحه 12خط عاديه ﴿ 12 ﴾ بعد انتهاء تأسيس الكهرباء للمرحلة الأولي صور الشغل كله قبل المحارة وهو لسه خراطيم عالحيطه علشان بعد كده لما تعلق براويز اوهتخرم فالحيطه لأي سبب ماتخرمش فى اي خراطيم او اسلاك في الحائط ﴿ 13 ﴾ اطلب من الكهربائي بعد ما يركب الخرطيم والسلك ينور الشقه كلها علشان الصنايعيه تعرف تشتغل ويركب بريزة أو اثنين علشان اي صنيعى هيحتاجها في أي معدة ملاحظات مهمة ◀️ إرتفاع المفاتيح من 115سم الي 120سم ◀️ إرتفاع البرايز من 35سم الي 40 ◀️ إرتفاع برايز الكومود 55سم الي 70سم ◀️ إرتفاع برايز المطبخ 120سم ◀️ إرتفاع برايز كل من غسالة الملابس والبوتاجاز وفلتر المياه 70سم ◀️ إرتفاع الشفاط الهرمى 170سم ◀️ ملحوظة مهمة جدا كل الارتفاعات دي بعد السيراميك دمتم فى حفظ الله ورعايته ❤️🤲👷 ( رقم الجوال يظهر عند الضغط على زر تواصل )