Toyota FJ Cruiser 2009 Automatic Gasoline mileage: 1 KM 4WD أولاً : صلوا على النبي وأذكروا الله . ثانياً : هذا الموتر ما يصلح الا لرجل نشمي وكفو ويبيله موتر مجهز بالكامل بشكل إحترافي جداً مايبي يشتري سيارة ويتعب ويخسر كثير من المال والوقت لأني مجرب وما يفهم التجهيزات الدقيقة الا واحد هاوي للبر لأن المساحات ضيقة بالإف جي وكل التجيزات متعوب عليها ومن الأخير الموتر بفضل الله مجهز من الألف إلى الياء شغل وروح أي ديرة صدقني راح تدعيلي وانت في البر واللي معه إف جي وراعي بر يعرف إن تجهيزاتي إحترافيه . ثالثاً : مواصفات الموتر :- - الجيب إف جي 2009 فل كامل ومثبت سرعه ودفلوك وآيتراك . - تانكي صغير بس أنا ركبت قبل سنتين تانكي إضافي والمجموع يصير ( 150 ) لتر بنزين أحمر واللي مجرب التانكي الصغير يعرف إنه بهذله . - الموتر مفحوص ومجددة إستمارته . - يوجد مفتاحين وكالة . - الموتر ماشي 500 الف وكسور يعتبر ممشى طبيعي ومحافظ عليه . - القير والمكينة والشاصي والبودي كل شي وكاله بإستثناء فيه طعجه بسيطة فوق من الجنب من المالك السابق وهي ليست حادث سيارة . - ونش واير بطل من السليماني وتم تركيبه عند السليماني وشغال والكلتش شغال . - أكباس فوق الكبوت لونين (( أصفر + أبيض )) . - زعانف يمين ويسار تعجبك وقت الأمطار تنسم القزاز ولا يدخل عليك المطر . - الكفرات نص حجرية بطلة استخدمتها 3 سنوات ولا إشتكيت منها من شي وقبل كم شهر ركبت جديدة نفسهن وبزرعهن يعني راح يجلسن عندك ان شالله 3 سنوات وللأمانة صح فيه صوت للكفرات بس بطلة بالبر والنفود والحجر تمشي ولا يهمك شي . - بالنسبة للجنوط أغلب أهل الجيوس والجموس يركبون جنوط وما يدرون أحيانا تكون فيه (( فضاوة واحد أو إثنين ملي )) تقريباً ويصبح الجنط خطير جداً ويكسر الجنط لذلك الحل هو : إنك تسوي مثل ما سويت تركب (( فلنجة )) ما يضبطها الا مخرطة الثنيان بالصناعية القديمة بالرياض قيمة الوحدة ( 100 ) ريال ولا إشتكيت منهن والحمد لله 4 سنوات وأغلب المحلات غشاشين يشد الصواميل ولا يتكلمون عن هذي الفضاوة (( وفيزيائياً )) عند إرتطام الكفرات ثقل الموتر يتجه نحو هذه الثغرة ويكسر الجنط فالحل تركيب (( الفلجات )) . - طبعاً الليدات دار مادار على السيارة حتى داخل الكبوت . - يوجد تانكي مويا ليس بلاستيك يغير طعم المويا لا بل ألمنيوم (( 90 )) لتر من السنيدي تم تركيبها داخلياً بشكل إحترافي يعني تقدر تشيل المراتب الخلفيه بسبب إستناد الركاب عليها في الظهر ويتسع المكان بشكل اكبر . - الأدراج ألمنيوم من (( العليا )) وهو معروف والتصميم تصميمي بشكل إحترافي (( 6 )) أدراج أفضل تصميم للإفجي على الإطلاق وشوف التصاميم الثانية واحكم بنفسك ولاحظ يشيل كل عزبتك وانت مرتاح وفيه مساحات وأهل الافجيات يعرفون شغلي إحترافي بلا منازع .. - (( للمحترفين )) ولأهل الإفجيات لاحظوا بخصوص (( الثلاجة )) بعضهم يحطها فوق الادراج ويضيق عليه الرؤية الخلفية والمساحة أنا حاطها بشكل إحترافي جداً بين المراتب الأمامية وبنفس الوقت (( مركا )) والتهوئة أمامية تريح الثلاجة ولا تكتمها وحجم الثلاجة حقتي 15 لتر تشيل (( تويس )) كامل بدون راس عن تجربة إن ما خاب ظني 12 كيلو بس الأكيد 10 كيلو تبيها تثليج أو تبريد شغالة وأغلب أهل المحلات يحطلك ثلاجة بين المراتب ما تشيل الا 4 مويا صحة والا ثلاجة كبيرة تحشرك ورا وتغثك عشان كذا يا إخوان أنا مشتغل بموتري بشغف وتعبان عليه واللي مجرب يعرف (((( يا إخوان الشرح ما يكفي أن صورت الموصفات والسعر وكل شي وحطيتها بالصور ))) واتس فقط للصامل