Motorcycles Chinese Motorcycle السلام عليكم ورحمة الله وبركاته. التواصل على الواتس او الرسايل اعرض لكم سيكل ب مكينة 2 stroke او مكينة خلط 80cc ركبته بالكامل بيدي شغل سعودي مضبوط هذي المكينة تشبه نوع المكينة الي بالبانشي تخلط البنزين مع الزيت ركبتها على السيكل وعدلت عليها تعديلات للاداء وسرعته القصوى 67 كم/س الي وصلت لها، ممكن يوصل اعلى بس ماجربت. عالسوم والبيع سمح لكن اتمنى محد يبخس والتواصل عالرسايل او الواتس اب مارد عالاتصالات موقعي غرب الرياض هذي التعديلات الي سويتها للي يهمه: ركبت اكزوست مخصص للاداء سعره حول 200 ريال ركبت كاتم للصوت كلف حول 120 ريال ركبت راس مكينة CNC المنيوم رياضي مخصوص ب 230 ريال ركبت كاربوريتور رياضي وغيرت الجيتات عشان يعطي افضل اداء ب 80 ريال تقريبا المكينة سعرها 650 ريال تقريبا ركبت تانكي 4 لتر يمشي فوق 200 كيلو بالتعبية الوحدة كلف 150 ريال ( الفل ب 9 ريال تقريبا ) ركبت مسكه فرامل تمسك فرامل خلفي وامامي سوا ب 100 ريال ركبت كلتش حديد جودة عالية رياضي ب 120 ريال غيرت البوجي لبوجي NGK رياضي ياباني ب 50 ريال غيرت الساعة الخلفية عشان يوصل سرعات اعلى ب 50 ريال غيرت الجنزير الى جنزير دباب عشان يتحمل ب 100 ريال غيرت شداد الجنزير لواحد ب سبرنق عشان ماينفك الجنزير فجاة او اشده كل فتره وفتره هو يشد نفسه بنفسه ب 100 ريال غيرت الكفرات الامامية والخلفية لوحدة جبلية واعرض من القديمة ب 150 ريال للثنتين ركبت ثروتل حديد جودته اعلى ب 50 ريال وايضا غيرت المقعده لمقعده مريحة جدا ب 40 ريال وغيرت الهاندل بار بواحد اريح من القديم ويتعدل ب 80 ريال وعليه لمبات ليد امامي وخلفي تنشحن وايضا عاكس خلفي السيكل نفسه لحاله بدون مكينة وبدون شيء كلفني حول 750 ريال كل شيء كلفني حول 3000 ريال شغال زي الفل والمكينة اعتمادية وعزمها وصوتها ممتاز وصرفية البنزين جدا اقتصادية ايضا مع السيكل امور ثانية مثل لستك للكفر احتياط ونظارة كلها مجانا مع السيكل وبعض الامور الي ممكن تفيدك بالسيكل مثل وصلات جنزير وعده فك الكفرات ورقعات للكفر وامور ثانوية.