2015 Automatic Gasoline mileage: 128 KM السلام عليكم ورحمة الله تحية طيبة على الجميع.. صلوا على الحبيب وأذكروا الله للبيع هيونداي آي فورتي موديل 2015 ممشى قليل الموتر شبه مخزن وعملي جدًا للاستخدام اليومي ما يصرف بنزين ومكينته نشيطة، بعطيكم نبذة عن السيارة للي يجهل عنها: الآي فورتي هي سيارة جات بين الأزيرا والسوناتا وبين الإلنترا، فئة أعلى من الإلنترا ومقاربة للسوناتا وأقل من الأزيرا طبعًا، أنقطع إنتاجها من عام 2019 تقريبًا لكن قطع غيارها متوفرة بكل مكان لأنها تتشارك مع قطع غيار السيارات المذكورة أعلاه.. السيارة فيها عملية ومكدة الالنترا لكن بمواصفات ورفاهية وراحة أكبر قيمتها السوقية وكالة لموديل 2015-2016 كان 81 ألف ريال سعودي وهالكلام قبل الضريبة. السيارة تجي فئة واحدة وهي فل أوبشن ومكينتها 2.0 تولد 177 حصان تقريبًا على 6500 دورة والعزم 213 نيوتن على 4700 دورة وناقل الحركة: أوتوماتيك 6 سرعات مع إمكانية التبديل اليدوي ونظام دفعها أمامي FWD وهذي بعض مواصفاتها: تشغيل ذكي - دخول ذكي وضعيات قيادة: SPORT - NORMAL - ECONOMY حساسات أمامية - حساسات خلفية كاميرا خلفية (على مرآة السيارة الأمامية) سقف بانوراما مقاعد جلد تكييف خلفي مع تحكم بالتكييف سفط كهربائي للمرايات الجانبية أنظمة الأمان: نظام فرامل مانع للانغلاق (ABS) توزيع إلكتروني للفرامل (EBD) برنامج الثبات الإلكتروني (ESP) مانع إنزلاق أحزمة أمان ثلاثية النقاط مع شدادات بالنسبة لحالة السيارة واستخدامي الشخصي لها: الموتر ماشاء الله له معي 9 سنوات خذيته من وكالته ومن يومها محافظ على الصيانات الدورية كاملة بالوكالة وتقدر تبحث برقم الهيكل وتتأكد، استخدامي لها كان يومي للدوام والمشاوير ومسكت عليها خطوط في أغلب مناطق المملكة وما قد واجهت معها أي مشكلة وليومكم ذا ما قد ارتفعت حرارتها علي ما شاء الله. الممشى: 129 ألف قابل للزيادة -موثق بموجز- عدد الملاك: مالك واحد لكن في تقرير موجز سيذكر أنها مالكين لأنها كانت باسم أخوي الكبير ونقلتها بإسمي قريب. لكن الاستخدام كامل كان من قبلي والله على ما أقول شهيد. حالة البودي: لا توجد أي حوادث ولله الحمد ولا سمكرة ولا رش، لكن البودي لا يخلو من بعض الحكات وآثار التبهيت موضحة بالصور. حالة المكينة والقير: محركات السيارة على الشرط، الزيت أعبيه قبل لا تولع لمبته وزيت القير تم تغييره على ممشى 100 ألف ولا يشكو من أي شيء. حالة الداخلية: الداخلية نظيفة وبلد لكن تم تنجيد الطارة والمقعد السفلي للسائق وتغطية الطبلون بموكيت، قشرة الطبلون معدومة بسبب خلل مصنعي من هيونداي في سياراتها حتى السوناتا فيها نفس المشكلة ولو غيرتها بجلد ثاني قد يسبب تضبيب للزجاج وحبيت أترك الخيار للمشتري. حالة القزاز: كله بلد، الأمامي تم تغييره بقزاز الوكالة فكله يعتبر بلد صرفية السيارة: سعة التانكي 65 لتر أعبيه أخضر بحوالي 130 ريال يمشيني من 600 إلى 700 كيلو مدينة وخط فتعتبر صرفيته ممتازة على المواصفات الي فيه. يصلح موتر ثاني مع جيب أو موتر أساسي للاستخدام اليومي والكرف. السيارة جاهزة للاستخدام اليومي مصينة ومجهزة للاستخدام، علمًا بأني لم أفحصها من قبل ولو ظهر أي شيء بالفحص متعلق بالشاصي والمحركات بتحمل قيمة الفحص وبعشيك حاشي بن حمود. لكن ممكن يكون فيه حاجة لبعض الاستهلاكيات البسيطة.. تم تغيير بعض الاستهلاكيات في بطن الموتر مثل جلد المقصات والمساعدات الخلفية والأقمشة الأمامية ومرفقة إليكم الفاتورة بتلاحظون الأسعار وكذلك تشارك القطع بين الاي فورتي والسوناتا والازيرا والالنترا حتى تطمئنوا على وفرة القطع. الموتر مسيوم بـ