قطين ذكور ومخصيين للتبني الاثنين مع بعض قبل لا تتواصل معاي ارجوا قراءة كل ما ذكر وبصدر رحب وكل الشكر لك اكيد مقدما أنا المربية مون عندي الجميل المغرور سيمبا والمرح الحلو كوبي بعرضهم تبني ويشهد علي ربي اشكثر يألمني هذا الأمر بس لان مع الضغوط يلي صرت اواجها من مرض ولدين بمرض تكسر الدم المنجلي عافاكم الله وصارت ظروفي صعبه جدا وتواجدي مع أولادي بالمستشفى وقل اهتمامي بقططي ولان اخاف الله بكل شي والله يشهد على ما اذكر ولان ما ابي أقصر او اهمل هذي الأرواح الجميله عرضتهم للتبني لانسان 1 - يخاف الله بهذي الأرواح 2- يكون حنون معاهم 3- ما يقصر عليهم سواء رعايه او اهتمام 4- عنده المقدره التامه انه يوفر لهم الاكل والشرب والرعايه الصحيه إذا لزم لا قدر الله 5- تصويرهم لي بين فتره وفتره إذا ما عندك مانع لان هذا الشي اكيد يفرحني 6- عدم إهمالهم او رميهم في الحوش او السطح ويكون حريص ان باب البيت الخارجي او النوافذ ما تكون مفتوحه بحيث يطلع القط من عنده لان القطط بطبيعتها تحب تستكشف كل شي حولها هم متعودين على داخل البيت ومتعودين على نوع واحد من الدراي فود ونزلت صورته لان حسب الدكتور هشام يلي في عيادة اوكا سابقا وحاليا في عيادة الكفوف المتشابكه ذكر لي انه افضل اكل طبيعي 100٪؜ (teste off the Wild) بلحم الغزال والسالمون وهو النوع الوحيد يلي يفضلونه ومتقبلينه كطعام جاف والتغيير او التنويع يكون بالتدريج رغم اني ماانصح إلا بهذا النوع لانه ممتاز اما الويت فود انوع لهم من (شيزر او لايف وممكن ابلاوز) ونزلت برضو صورة لنوع التراب يلي استخدمه لهم وهو افضل شي وبدون غبار ولا ريحة وممتاز ولا يأثر عليهم سجلت كل شي يخصهم ب CV خاص عن كل واحد بحيث اكون وضحت اغلب الاستفسارات طلبي الوحيد ان القطط بتطلع من ذمتي وبتدخل لذمة من بيأخذهم باذن الله بس رجاء خاص تبي القطط حياك الله تواصل معاي على الخاص او الوتساب بس بعد ما تكون مطلع على كل شي وتكون انت صاحب القرار وان لك الاختيار التام باخذ القطط لعندك وان ما يكون عندك احد فيه حساسيه من شعر القطط او عدم رضى احد من اهلك او احد عنده فوبيا من تواجد القطط هذي روح فلا تعرض المربي والقطط يلي تاخذها بأزمه نفسيه ع شان ترضي نفسك لساعه او يوم او يومين وبعدها تذكر لي هذي الامور لان بكل اسف في ناس ما تخاف الله وتواصلت معاي وصارت لي هذي التجارب يلي الله لا بسامحهم عليها ان كانوا متقصدين هذا الفعل احنا او القطط ارواح تحس وتشعر وتتألم فلا تفكر وانا اتكلم عن نفسي وشخصيتي اني مو متألمه وانا اعرض قططي تبني بس ظروفي صعبه صارت والله يشهد على ما كتبت والتبني للاثنين مع بعض لانهم متعودين من صغرهم على بعض لهذا ما اقدر افرقهم آخر شي بذكرك تبيهم الاثنين وراضي ومطلع على ما ذكر حياك الله تواصل معاي تبي واحد بختصر عليك وبقول لك طلبك مو عندي وشوف احد غيري عارض تبني ملاحظه حلوه عنهم ( ترا أحجامهم كبيره ماشاء الله تبارك الله وصحتهم ممتازه الحمدلله لان رغم كل شي مو مقصره