GMC Sierra SLE 2012 Automatic Gasoline mileage: 300 KM 4WD للبيع جمس سييرا 2012 غمارتين دبل فئة Z71 حوض قصير SLE تشغيل عن بعد ، تحكم طارة ، كاميرا خلفية ، تعتيم مرايا ومواصفاته المعروفة. المكينة والمحركات شرررط الشرررط لانقص لاحرارة لا دخان ولاغيره الحمدلله ، المكينة موظبه قبل سنتين قطع أصلي مع إلغاء نظام 4 سلندر وتبديل التكايات قصيرة مع كام zr1 (يعني انسى هم مشكلة التكايات الشائعة بالجموس) وكلها قطع أصلية GM مع طرمبة زيت رياضية. - القير 6 سرعات وشرط ، - الدبل شغال ممتاز ، - المكيف ثلج ، الإضافات/: - عليه برمجة فك فصلة عداد مفتوح على كمبيوتر الوكالة ... - برمجة إلغاء حساسات الأكسجين مع تفريغ دبات وصوتها ناعم وطرب ... - برمجة إلغاء شريحة 4 سلندر اونلاين بعد تغيير التكايات وعمود الكام ... - عليه مبرد قير تروكول 40 ألف وحدة مع وجود مبرد الوكالة ... - شاشة اندرويد 10 انش مع داش كام azdome وعليه شغلات وتعديلات ثانية ... البدي لا اعلم عنه لكن واضح لي ان كان فيه رشوش خارجيه مع مالكه السابق والا معي انا له اكثر من سنتين ماجاه حوادث الحمدلله وصفة البدي طيبة ومتماسك وبويته غير باهته والشاصي والايرباقات سليمة وجميع قزازه وكاله عدا الأمامية ، ولا فيه قربعة ولا أصوات ولا هواء ولاغيره ومشدود بطنه وداخليته وديكوراته نظيفة أيضاً ... الممشى بالعداد فوق 600 وراعيه الاول يقول مغير العداد كان فيه مشكلة وان ممشاه الحقيقي في بحر 400 الملاحظات/: تهريب زيت خفيف بصوفة الدفرنس الأمامي ماتضره صوت خفيف بطرمبة الدركسون تنديه خفيفه بصوفة صدر المكينة هذا تقريباً اللي فيه غيره مايشكو من شي ومحافظ عليه بزيوته واحتياجاته وصيانته اشتغل فيه بنفسي وتعبان عليه وممشاه طيب وعزمه فوق الطيب ماشاء الله وجاهز ماهو محتاج شي دق سلف ورح وين ماتبي✅ ✅الفحص جديد والاستمارة سارية ينقل فوري✅ على السوم و أي سومة تحت 40 لن ينظر لها وان ماجاب حقه مكانه محفوظ ولايتواصل الا الصامل وكل التفاصيل مذكورة بالاعلان اختصاراً للوقت والأسئلة ...