هم قطط حوش أغلب وقتهم في الحوش لكن يدخلون البيت وقت الأكل والنوم، يطلعون الشارع لكن وقت بسيط ما يطولون على طول يرجعون مو متعودين ولا يعرفون يدبرون أمورهم في الشارع ولا قد ناموا فيه ولا طولوا يخافون.
"ليو" اللي عيونه أزرق وأصفر وشعره كثيف يعرف اسمه، حنوووون ومررره مررره يحب الدلع يميز إذا ناديتم اسمه بدلع على طول يتدلع، لعوب لكن خواااااف ما يثق في الناس ويخاف من أبسط شي لكن بمجرد ما يثق فيك ويحبك على طول يتعلق فيك، ذكي جدًا وسهل تدريبه لما أقول له اششششش وأنا أجهز اكله يستجيب ويهجد.
"بلو" اللي عيونه زرقاء فاقد للسمع، لعوب جدًا، ودود غير مؤذي، فضولي ويحب يكتشف كل شي ويثق في كل الناس ولأنه ما يسمع دايمًا يكون عند الأبواب يطالع تحتها يراقب تحركاتنا نسميه "الجاسوس" طريقة تواصلنا معه 1-عن طريق الليزر 2-نضرب الأرض برجلنا الله يكرمكم ويحس فينا ويطالع 3-عن طريق حركة معينة باليدين 🤜 🤜 تقريبًا كذا كأنكم تقولون تعال 😂
الإثنين هذولا من يوم انولدوا وهم مع بعض يلعبون مع بعض ياكلون في صحن واحد ينامون مع بعض ما ينفع تفصلونهم أبدًا خصوصًا بلو لازم يكون مع أخوه لأنه يفقده ويبدأ يماوي إذا ما كان موجود ما يسكت إلا إذا ليو جا.
أكلهم ما ياكلون دراي فود جربت أكثر من نوع ما يحبونه، يحبون الويت فود، يعشقون الدجاج النيء وبشكل عام كل الأكل اللي اعطيهم هو يكون نيء ما أطبخ لهم، ياكلون دجاج، كبدة، قلوب، بلو يعشق البيض والحليب واللبن، ليو يشرب حليب عادي لكن ما يحب اللبن والبيض يحبه مخلوط مع الدجاج النيء وعادي حتى لو مطبوخ ياكلونه لكن يفضلون النيء.
🔴🔴 تكفوووون اللي بياخذهم يخاف الله فيهم ويعاملهم بالحسنى ولا يؤذيهم ويكون قد المسؤولية وخلاص يستقرون معه في البيت بشكل دائم، شرط تكون بنت ويُفضل ما عندهم أطفال، أرجوكم رجاء أحتاج متبنية في أسرع وقت أنا بسافر وأعرف انهم ما راح يتحملون الشارع 🔴🔴
