دبابات دباب سوزوكي السلام عليكم ورحمة الله وبركاته. التواصل على الواتس او الرسايل اعرض لكم سيكل ب مكينة 2 stroke او مكينة خلط 80cc هذي المكينة تشبه نوع المكينة الي بالبانشي تخلط البنزين مع الزيت ركبتها على السيكل وعدلت عليها تعديلات للاداء وسرعته القصوى 65 كم/س الي وصلت لها، ممكن يوصل اعلى لكن مانصح الصراحة لانه بالنهاية سيكل ومو حق سرعات جنونية. هذي التعديلات الي سويتها: ركبت اكزوست مخصص للاداء سعره حول 200 ريال ركبت كاتم للصوت كلف حول 120 ريال ركبت راس مكينة CNC المنيوم رياضي مخصوص ب 230 ريال ركبت كاربوريتور رياضي وغيرت الجيتات عشان يعطي افضل اداء ب 80 ريال تقريبا المكينة سعرها 650 ريال تقريبا ركبت تانكي 4 لتر يمشي فوق 200 كيلو بالتعبية الوحدة كلف 150 ريال ( الفل ب 9 ريال تقريبا ) ركبت مسكه فرامل تمسك فرامل خلفي وامامي سوا ب 100 ريال ركبت كلتش حديد جودة عالية رياضي ب 120 ريال غيرت البوجي لبوجي NGK رياضي ياباني ب 50 ريال غيرت الساعة الخلفية عشان يوصل سرعات اعلى ب 50 ريال غيرت الجنزير الى جنزير دباب عشان يتحمل ب 100 ريال غيرت شداد الجنزير لواحد ب سبرنق عشان ماينفك الجنزير فجاة او اشده كل فتره وفتره هو يشد نفسه بنفسه ب 100 ريال غيرت الكفرات الامامية والخلفية لوحدة جبلية واعرض من القديمة ب 150 ريال للثنتين ركبت ثروتل حديد جودته اعلى ب 50 ريال وايضا غيرت المقعده لمقعده مريحة جدا ب 40 ريال وغيرت الهاندل بار بواحد اريح من القديم ويتعدل ب 80 ريال وعليه لمبات ليد امامي وخلفي تنشحن وايضا عاكس خلفي السيكل نفسه لحاله بدون مكينة وبدون شيء كلفني حول 750 ريال يعني كل شيء كلفني حول 3000 ريال فا اتمنى عدم البخس والبيع سمح، ولكني ماني مضطر ابيعه اذا جاب لي سعر بعته اذا ماجاب بخليه وبستمتع فيه بالشتاء. طبعا شغال زي الفل والمكينة بسيطة جدا فكتها يمديك تغير رنقات او بستم او السلندر بكبره ببيتك وبنص ساعة بالكثير واعتمادية جدا لو تخلط زيت جودته كويسه مع البنزين وتحميها قبل ماتدعس عليها. وعزمها وصوتها ممتاز وصرفية البنزين لاتذكر ايضا مع السيكل امور ثانية مثل زيت خلط ليكي مولي اصلي شريته بمبلغ وقدره جودته عالية جدا تخليقي وايضا معه لستك للكفر احتياط وايضا خوذه وقلفز ونظارة كلها مجانا مع السيكل وبعض الامور الي ممكن تفيدك بالسيكل مثل وصلات جنزير وشداد جنزير احتياطي وعده فك الكفرات ورقعات للكفر وامور ثانوية. اقل من 1500 اتمنى محد يتعب نفسه، البيع على السوم من 1500 وطالع السومة الي تناسبني بعت عليها والحد 3000. عموما الي حاب يبخس او ياخذه بسعر رخيص اتمنى يشوف له اعلان ثاني لان ماني بحاجه ابيعه وماني مستعجل، اذا جاني سعر مناسب بعته واذا ماجاب بخليه وبخزنه.