دودج تشارجر SXT 2009 قير اوتماتيك بنزين الممشى: 300 ألف كيلو دودج تشارجر - Charger 3.5 V6 2009 (((ما شاءالله تبارك الله ولا حول ولاقوة الا بالله العلي العظيم ذكر الله زين يا اخوان )) والسياره حقت كد ومشاوير طويله وسفر دق سلفك وسافر الممشى 320 الف ومغير العداد الى عداد RT السرعة 260 ومبرمج السرعه والخ يعني السرعه حقيقيه الي بالعداد والسيارة فل كامل جميع المواصفات موجوده تسخين مقاعد فتحة سقف تشغيل عن بُعد .. إلى آخره. اللون : ابيض تحمل لوحة أ ن ع 6655 ________ " التعديلات الي على السياره " : السياره هوائيات داون بايب تفريغ ومواصير تفريغ للخلف ومافيه دبات وسطيه يعني التنفس والعزم ممتاز وعليها دبات للطرب طويله بمخارج 5 انش المنظر ولا يُعلى عليه السياره للهاوي وعاشق الطرب متوفر معها فلتر رياضي من سبيكتر كبير لهاوي العزم ولاكن هالفتره فاكه عشان الحملات الامنيه المرورية .. محد ناقص وجع راس طبعا الصدام الخلفي تفصيل " فايبر " لشكلية SRT 2015+ شامل الدفيوزر والكبوت تفصيل برضو فايبر تشكيلة نظيفه بدون اوفر ومنظر زايد ومابتلقى مثله كثير تفصيله غالي وكانت النيه للقدام برضو بس الظروف تجبر الجبل يميل .. والسياره فيها تشغيل عن بُعد وفتحة سقف " التكييف والتبريد وحرارة المكينة " : ما شاء الله تبارك الله ماعمرها شكت من حرارة المويه بريستون برتقالي ماتتغير الا هي كل 20 الف تتغير ويتغير معها بلف الحرارة "والمكيف بارد ثلاجه ما شاء الله تبارك الله ولاحول ولاقوة الا بالله " " المشاكل الاستهلاكيه والصيانات " : "السياره يبيلها وزن ارضيه الدركسون مايل والسبب كان من العمال الي ركبو الجلد " جلد المقصات الاماميه والخلفيه جديده ماكملت ست شهور ونافض الارضيه مافيه صرقعه او طقطقه ولله الحمد الزيت Motel 10w30 قيمة العلبه الوحده 31 ريال يتغير كل 4500 الف كيلو مع الفلتر موبار فرنسي نوعية غاليه كنت استخدمها بالكرايسلر 6.1 SRT8 وماشكيت منه ومن النوعيات الغنيه عن التعريف والثقيله بالسوق ماتنحرق بسرعه وتتحمل رجلك وانت بكرامه اذا بتدعس .. والسياره يبيلها برمجة للمفتاح ومتوفر مع السياره مفتاح واحد فقط .. الصامل فقط يتواصل معي تقديرًا للوقت الموقع الدمام .. الحد 17 الف ريال قابل بالبسيط وماتقول اح معروف التشارجر غني عن التعريف ..