دودج تشارجر SRT 2016 قير اوتماتيك بنزين الممشى: 215 ألف كيلو السلام عليكم ورحمة الله وبركاته اعرض لكم سيارتي الشخصية تشارجر SRT 2016 💥الرجاء قراءة الإعلان جيدا حتى لاتكثر الاسئلة السيارة : تشارجر الموديل : 2016 اللون : اسود كريستال الممشى : 215 قابل للزيادة السياره فيها رش 3 قطع السيارة ستوك عليها فقط بلف حرارة وبرمجة مراوح السيارة مغيره التكايات من صاحبها الأول عند ورشه شغلهم ممتاز السيارة يتغير زيتها كل 4 الاف كيلو من افضل الزيوت بانزويل السيارة لها موقف خاص ومظلة خاصه ماتلمسها الشمس 💥الملاحظات السيارة SRT وماتصلح استخدام يومي علشان كذا قمت ببعض التعديلات البسيطه على السياره لحماية السيارة والمحافظه عليها 🔴 اولا : قمت بتغيرر اليايات الى يايات RT لترتفع السيارة شوي واحافظ على بطنها ( ويايات الوكاله موجودة ) 🔴 ثانيا : قمت بفك نظام الفرامل كامل ( البريمبو ) وتركيب نظام فرامل ال RT لانه اقل تكلفه واخف على السيارة وتقدر تغير جنوط على راحتك لكن مع كليبرات البريمبو ماتقدر تغير جنوط على كيفك وتكلفة تغيير الفحمات غالية جدا ( ونظام فرامل البريمبو موجود ) 🔴 تم فك العداد الأصلي وتلميعه ووضعه في كرتون واستبداله بعداد عادي بسبب انو المغاسل لاحظت ان موادهم المستخدمه تخرب قزاز العداد ( وعداد الوكالة موجود ) 🔴 تم فك الشاشة الرئيسية واستبدالها بشاشة ابل كار بلاي موديل 18 ( وشاشة الوكالة موجوده ) 🔴 تم فك الجنوط الأصليه وتركيب جنوط النجمة درجة اولى ( وجنوط الوكاله موجوده ولكن واحد منهم في كسر ) 🔴 السيارة كانت واقفه قرابة السنة بسبب سفري وعند الرجوع تم تحميلها في سطحه الى الورشه وتغيير كل الزيوت من قير ومكينه وفلاتر ولكن لاحظت بعدها ان في صوت جهة الدفرنس ولاني متأكد من السبب هل هو من الدفرنس او شي ثاني محد اكد لي وش المشكله ولي سنتين استخدمها وامورها تمام التمام ( وفي حال طلع المشكله من الدفرنس سيتم خصم قيمته من مبلغ السيارة ) 🔴 في طقه صغيره في الرفرف الخلفي يمين جنب الاصطب تحتاج تعديل على البارد ونا ماسويتها لأني شايف انها ماتحتاج 🔴 السيارة نظيفه مايحتاج ولكن تحتاج الى تلميع بسبب اللون الاسود ومعروف اللون الاسود يحتاج عنايه 🔴 في حال تم الاتفاق على البيع سيتم ارجاع كل قطع الوكالة وفي حال رغبة الزبون بشراء السيارة على حالها وياخذ قطع الوكاله معاه سيكون فيه زيادة في السعر اتمنى اني مانسيت شي ماذكرته محافظ على السياره لأبعد حد ولاني صاحب دوسات ولا سرعه اخذتها استمتع بسواقتها وصوتها وطربها وماني مضطر ولامستعجل على البيع ان كان جابت حقها والا مكانها محفوظ الحد : 100 الف والله يكتب لنا ولكم اللي فيه الخير