جيب شيروكي 2000 قير اوتماتيك بنزين الممشى: 290 ألف كيلو  دبل السلام عليكم ورحمة الله وبركاته افلح من ذكر الله وصلى على النبي كما هو موضح في الإعلان جيب شروكي أمريكي ( سبورت ) موديل 2000 اللون زيتي فاتح ماشي 290 ألف ميل الموتر معي من 15 سنه وأسوي صيانه أول بأول قبل الشتاء ،، وتوي مسوي له صيانه بالكامل من اقمشه امامية وخلفية ومغير الدوده بالكامل مع بعض الصيانه الموتر ما شاء الله سواقته مليانه ومتماسك مكيف ثلج في عزز الصيف مكينه شرط ما تنقص ومن شريته وانا اشيك عليها قير تماتيك والدبل على الشرط ،، القير والموتر بارد يتأخر في التعشيق وطبيعي في أغلب الجيوب القديمه وبعد ما يحتمي تعشيقه وكل شي تمام واحيانا فيه طقه إذا حطيته على D أما باقي تعشيقاته ممتزه ومن شريته واهو كذا واموره تمام الموتر مافيه رجه ولا شي والدبل ما شاء الله ،، رغم اني ماني من هواة التطعيس ولاكن بين فترة وفترة اجربه وما شاء الله قوي والشروكي معروف بقوة الدبل ، والدبل الثقيل فيه ونه خفيفه لاكن ما تأثر الدرايش تماتيك والابواب تماتيك ولاكن فاصلها من جهة السواق واتحكم بها من عندي البدي مرشوش كامل بسبب التبهيت والموتر ما جاه حادث إلى في الركن الأيمن فقط ،، بويته شاريها من محل أحمد العامودي اصليه ومرشوش قبل 3 سنوات وما شاء الله الشغل ممتاز وتوي مسوي له تلميع كامل والموتر طول وقته في البايكه وما استخدمه إلى في الشتاء ووقت المكشات بالمختصر قير ومكينه ودفرنس كلها شرط الداخلية نظيفة جدا ومحافظ عليها والصور إهي اللي تحكم • الإضافات : مركب عليه رديتر اصلي مع مراوح سوباور سرعتين + مروحه أمامية حقت جمس والحرارة ما شاء الله في عز القيض ما توصل النص إلى كانك واقف فترة طويله ،، غير كذا الحرارة تحت النص مع فاصل تقدر تتحكم فيها عليه هدرز + سده لا أعلم عن نوعه مركب من راعيه الأول ولاكن صوته جميل عليه دبة أمريكية صوتها حلو وطرب خفيف مو ازعاج عليه انتيك مع فلتر رياضي مركب عليه ليد أمامي بطول 80 سم واضاته قويه في البر عليه مساعدات الجبريال جديده امامية وخلفيه الصليبات جمعيها مغيره وجديده ومركب عليه اسطبات سعودية بالاضافة إلى إنارات جانبية يمين ويسار باللون الكريمي ومخفيه مركب عليه قاعدة بزبوز تحت السيارة مخفيه تقدر تتحكم فيها وترفعها بدون ما تشوه المنظر مع إنارتها بالإضافة إلى مضخة ماء مثبته وتقدر تشبكها في فيش الولاعه إذا احتجتها لإستخدامها لرش الجلسه أو الرمل حولين الجلسة مركب عليه تانكي ماء 80 لتر كما موضح بالصورة مركب عليه هوك خلفي عليه جنوط جي تي 8 إنش مع كفراتها برايم ويل فيها نص عمر مع كفر جديد موديل 2025 الإستماره جديده وباقي فيها سنتين ونص والفحص منتهي ومعه كبوت مخفف من ضمن البيعه لعدم حاجتي له + السله إلي فوق التنده موجوده + الإستبنه ( العيوب ) رغم إني اشوفها اشياء بسيطة البوري من شريته ما يضرب بوري وما فكرت اصلحه قربة الماء حق المساحات تحتاج تغير ، تهرب اذا عبيتها التماتيك حق الدرايش احيانا يعلق من جهة السواق ،، وذلك فصلتها واتحكم بها من عندي فيه تفتفه خفيفه لاحظتها من شهر تروح وتجي ماهي موجودة علطول ونادر ما تجي كل شيء مذكور والصور موجود لا يتواصل إلى الصامل والبيع لأعلى سومه إن جاب حقه أو مكانه مصفوط عندي ماني عجل أي سومه تحت 17 ألف لن ينظر لها البيع كاش ولا أقبل بالبدل لتواصل واتس أب