السلام عليكم ورحمة الله أسعد الله جميع أوقاتكم بكل خير. بالأمس فقدت لي طير ببغاء نوع مكاو ميلي قولد, الطير فرخ و دلخ بس أليف جدا. اذا مشى ما يعرف يطلع عتبه او ينزلها لازم اسحبه او ادفه واذا طار ما يعرف ينزل, الكفرات ممسوحه والبريكات منتهيه والرادار خربان ولا يوقفه الا جدار او باب او حتى شجرة.. طلعت اشمسه الصباح و تركته اقل من عشر دقايق ورجعت ما لقيته. فص ملح و ذاب, شكله تحمس و قال بجرب اطير ولعله وصل تبوك الآن. عمره تقريبا عشرة شهور و أليف جدا جدا جدا. الصورة تعبيرية (نفس الفصيلة واللون). الرجاء على من يجده أن يتواصل معي سواء واتساب او اتصال او حتى بالحمام الزاجل في أي وقت وله المقابل اللي يطلبه بإذن الله. واما اذا ما يبي يرجعه فانا موافق بس بشرط يطمني انه بخير ويخاف الله فيه و ياخذ القفص حقه وباقي اكله. والله ولي التوفيق.