تويوتا كرسيدا 1991 قير عادي بنزين السلام عليكم ورحمة الله يارجال عندي هالكراسيداء موديل 91 ماضي عليها الزمن وتراكم عليها الغبار ومو اي غبار. غبار ماشفته بحياتك على سياره اطلقو لخيالكم العنان بهذه السياره الرائعه التي تسبق سيارات جيلها وتحملها لكل الظروف . لاتقول يكذب. قلنا اطلق الخيال ماعلينا نرجع لمحور الكرسيداء اقصد حديثنا هالكراسيدا البيضاء موديل 91 الشامخه بوسط الرمال والغبار معروضة للنشاما اللي يدور القديم الاصيل. مواصفات كراسيدتي ياسادتي مكينه وعضلات كويسه تشيلك وتشيل الماضي معاك بدي فيه رشه ومو اي رشه بدون غشه وهشه. البدي كله مرشوش ياكرسيدتي مريشوة العين مطوفه اوراق يبغاله الفين القزاز اللي وراء هابده واحد هبده قوية ادت الى تفتيت القزاز الى حطام صغير لايرى بالعين المجرده اضن هالهبده بسبب ضغوط نفسيه مؤقته. الكفرات طبعا كفراتها ماراح تشيلك من عندي وتمشي. هي ملكة الغبار لازم سطحها تسحبها سحب ما انسحبت فيه بحياتها تحتاج كفرات جديده تدلعها بها المطلوب منك تغمض عينيك وتطلق الخيال المحبوس ليظهر لك الكرسيداء كنها خرجت من الوكالة وليست من عندي . مميزاتها با اختصار مكينة شغالة وعضلات ماعليها كلام 4 سلندر البدي مرشوش موديل 91 مطوفة اوراق يبغالها 2000 ريال لونها اابيض قزاز اللي وراء مكسور كفرات يبغالها تغير الباقي موجود وسليم اللي يسأل ليش ماغسلتها ماحولنا مغاسل لانه بقرية. ولي المشروع بعيد ماياصلها.