تويوتا كورولا XLI مطور 2009 قير عادي بنزين الممشى: 235 ألف كيلو بسم الله أولا وآخرًا # سيارة كورولا موديل 2009 xli المطوّر # مكينة 1500cc # القير عادي # الممشى : 235 ألف قابل للزيادة يعتبر مخزن مقابل الموديل # أنا ثاني مالك للسيارة # المفاتيح مفاتيح الوكالة الثلاثة موجودة 2 ريموت وواحد بدون # دفتر الإرشاد حق الوكالة موجود # علبتين صغار بوية جاية معه من الوكاله # الاستبنه موجودة ( والعفريته وملحقاتها جميعها موجودة وكالة # اللمبات مركبها لدات للواطي وللعالي # الموتر نظييف ولقطة وشرط وكالة مكينة وقير وشاصي وايرباقات ومكيف كذلك وكاله وثلج ما شاء الله تبارك الله # محافظ على غيارات الزيت والفلاتر باستمرار ما يوصل 4000 إلى 4500 إلا وانا مغير زيته واذا سافرت أغيره لو اقل من 4000 # والبدي بدي وكالته من الصدام إلى الصدام وفيه حكوك وخدوش موضحة وتبهيت متفرق موضّح في الصور # الحوادث : حادث بسيط مصوّر ( في الرفرف الامامي يسار وانفك الصدام وتم تعديل الرفرف وتركيب الصدام والصور مُوضحة ذلك # الموتر اخذته وهو ممشى 167 الف من راعيه الاول كان نظيف ولكن من وكالته الرجال ما دخله صيانة فـ نفضته نفض ( صنته من والى ، سويت له تصفية شامله وغيرت له المساعدات الأربعة وكراسي مساعدات وكراسي مكينة وكالة وسلف وكالة واي ملاحظة في بطن الموتر صلحتها كلفني حول الـ 10 آلاف # الموتر متماسك جدًّا ما تحس انه موديل 2009 من جودة سواقته ما شاء الله تبارك الله # أسافر واجي عليه اي مكان وبلا هم .. اخرها سفر من الرياض إلى المدينة من شهر # مواصفاتها ( قزاز اوتو ، تحكم مرايا اوتو ، مفاتيح ريموت ، فرامل فيها APS ، مانع انزلاق اوتو ، تكاية خلفية بـ حاملين أكواب يوجد فيديو لمن اراد حرصت على ذكر جميع التفاصيل والله يبارك لنا ولكم ارجو الّا يتواصل معي سوى الصامل