2015 قير اوتماتيك بنزين الممشى: 300 ألف كيلو السلام عليكم ورحمة الله وبركاته اكورد 2015 نص فل (اسبشل) للبيع او البدل باترول راس براس مالك اول من الوكالة ((الممشى 515067 كم قابل للزيادة)) تشغيل مفتاح 🔑 فتحة سقف كتلوجات الوكالة موجودة مفاتيحها 2 موجودة كفرتين اكرمكم الله جديدة لها حوالي 4 شهور والباقي فوق النص عمر السياره على الفحص والضامن الله سبحانه انا مستخدم ورجال راعي عايله وبزوره وشكل السياره واضح من الاستخدام مراتب مخمل جزء من اكياس بلدها لا زالت موجودة مكينة قير باذن الله تعالى شرط ايرباقات سليمة ولله الحمد مفحوص و مجدد جاهز للنقل جاتها دقه على الابواب يمين جهة الراكب تم تعديلها بدون بوية مغير الصدام الامامي ومرشوش والشمعه يسار شد بلد السبب الوالد اطال الله في عمره واعمار والديكم بصحة والعافيه وطاعة الله رجع عليها بالجيب ريوس تم تعديل وزنية الصاجه الخلفيه بسبب دقه من الخلفية كذالك بدون بوية الصدام الخلفي بلدها السمكة يسار مرشوشه وحكية بها مره ثانية وموضحه بصور كل شي الابواب والسمكة وباقي السياره بلد ولا رشة بوية تم تغيير شريحة البوري تم تغيير مجموعة المفاتيح اللي بباب السواق تنبيه السيارة كان عليها استدعاء من الشركة وغيرو لها مكينة وكانت وقتها ماشيه اقل من 6000 كم سبب البيع / ارغب في شراء سيارة اكبر الحد 40 الف قابل للتفاوض المعقول . السيارة والله موتر مليان والهوندا معروفه العيوب الحالية/ الميرايه يمين مكسور بسبب عبث نسال الله الصلاح بس ثابته وسافرت عليها اكثر من مره ترشيح بين الجربوكس والمكينة متابع وراه اشيك الزيوت بأستمرار وهذا عيب فيها حتى لو تصلح مايكمل سنه الا رجع كذالك ترشيح في وجه غطاء البلوف . هذا اللي ملاحضه في السياره ممكن تشيك يطلع اشياء انا متعود على السياره ماشوف فيها شي والفحص موجود لايجي الشخص يقول على كلامك خذ السياره افحص بالمكان اللي تبي والله يعينك هذا والله اعلم.