بي ام دبليو 745e 2003 قير اوتماتيك بنزين سياره بي أم دبليو بلوحه مميزه مناسبه لأصحاب الجيب الفتك بأنقليزي VTK 86 وتصلح لمواليد 86 وللسيارات الكلاسيكيه أو لمحبين الرقم 86 أما بخصوص الموتر الموتر سواقته سواقة موتر جديد لكن الوقفه وأشعة الشمس لعبت فيه الموتر يحتاج بعض التصليحات مثل قفل الكبوت وقفل الشنطه والهند بريك والبويه فيها تبهيت من الشمس الموتر كان شغال المكينه اللي عليه وارد والوارد معروف يا تكون ما مشت أو مشت شي بسيط حتى أنا من ركبتها ما مشيت عليها حتى عشره كيلو بس كنت أشغله أغير مكانه من مكان إلى مكان ظل عن الشمس لين ما أخترب قفل الشنطه وتعطلت البتري وتو فاتح الشنطه وركبت بتري جديد وعبيت بنزين الموتر يدق سلف لكن ما يشتغل جبت واحد فحصه بالجهاز يقول حساس كرنك الشفت تبدله أو ممكن يحتاج تنظيف فقط حتى من ركبت المكينه ما سويت له برمجه وفيه الكفر ورى الراكب إذا حركته بيدك يهتز بسيط وديته للمكانيكي يقول ما تأثر إذا بتصلحها صلحها وإذا تتركها عادي وما تأثر على الممشى بس أوضح فقط إبراء للذمه وعن الداخليه نظيفه بس سيت السايق فيه تشققات والأسيات عامه فيهم تيبس بسيط من الوقفه تحت الشمس والشاشه الخلفيه اللي بين السيتين على التكيه أنكسرت وكنسلتها شلتها وأي شي ما ذكرته ونسيته أسألني عنه والله يكتب اللي فيه الخير