شيفروليه تاهو LT 2014 قير اوتماتيك بنزين الممشى: 215 ألف كيلو السلام عليكم ماشاءالله تبارك الله للبيع تاهو LT مالك اول بعد البنك وارد التوكيلات اللون : رصاصي الموديل : 2014 ممشى : 215 الف كيلو فقط مواصفات السيارة : تحكم صوتي - مثبت سرعة - حساسات خلفية - تحكم منفصل المكيف الخلفي - كرسي السائق كهرب و باقي المواصفات المعروفة. البدي : وكالة من الصدام للصدام خالي من اي رش و ملمع خارجي و داخلي و عليها نانو ف مركز تلميع محترم باب الراكب مبدل من التشليح بسبب حكه من راعيه الي قبل الازياق مجدد لونها فقط بسبب العيب المصنعي فيها تبهيت عيب مصنعي معروف ف الجموس هذي الموديلات ف الكبوت و التندة فقط. السياره لا تخلو من بعض الطقات مثل فتحات الباب و ضربات حجر خفيفة + فيها طقه خفيفه ف الرفرف الخلفي و الصدام الخلفي ماشاءالله واجهية السياره بالكامل وكالة مانفكت + كان عليها حمايه ربع من وكالتها و توي شلتها. الكفرات : جدد توني مركبهم ماكلمو اسبوعين نوع كوري شي جودة ممتازه جدا جدا و مسوي لها ترصيص و ميزان. الارضية : الشهر الماضي السياره منفوض بطنها الامامي و الخلفي من و الى اصلي GM كامل المكينة : و لله الحمد وكاله ماتشكو من اي شي و لا يوجد فيها صوت تكايات و منتظم ف تبديل الزيت و الصيانه و اخر صيانه قبل شهر تنظيف حساسات و تغير زيت و تنظيف بوابة. و باقي المحركات ( قير - دفرنش ) امورهم طيبة ولا فيهم مشاكل الحمدلله. فقط القير يحتاج تبديل الكرسي و مافضيت ابدله الصراحة المكيف بارررد ثلج ثلج ثلج بمعنى الكلمة ولا غلطة الداخلية : ماشاءالله تبارك الله ولا غلطة كانت ملبسه من الوكاله جلد و ارضية نايلون و فكيتهم قبل اسبوع مع التليمع السياره من داخل وكاااالة وكالة وكالة و استكرات الوكالة موجودة فيها + السيارة كان عليها شاشة من الوكالة و رجعت المسجل ماشاءالله جديد بستكر المصنع. الملاحظة الوحيده فيها الدركسون من فوق فقط متشقق. عدة الوكاله موجوده + الكفر السبير موجود عدد مفاتيح 2 حق الوكالة و السبير ما استخدم ابد بستكر المصنع. السيارة ماشاءالله شيخة و ماتحتاج شي بإذن الله امسك عليها خطوط و اروح و اجي يوميًا متماسكة و امورها طيبة لا حرارة ولا قربعة. الموتر منوة للمستخدم السعر على السوم و و انسامت برا الموقع 40 الف و البيع قريب و الصامل ما بقصر وياه و البيع سمح ان شاءالله. التواصل على الواتس اب.