هوندا اكورد سبورت 2013
قير اوتماتيك
بنزين
الممشى: 1 ألف كيلو
طلعتها من الوكالة في نهاية 2013
اكورد 3.5 سبورت
اللون عودي
الممشى فوق 750 الف
- صار عليها 7 حوادث ( 6 يعتبرون خفاف ) و ( 1 قوي )
- الحادث الاول رجعت على حاوية نفايات كبيرة وانتم بالكرامة وجت ضربة بالشنطة وغيرت الشنطة وكالة.
- الحادث الثاني باب السواق واحد عاكس عند محطة وصدمني واضطريت أغير الباب كامل.
- الحادث الثالث واحد شطف الوجهية وغيرت الشبك فقط اما الانوار الأمامية ماجاها شيء.
- الحادث الرابع كنت رايح العمل على ابو حدرية وطلعت علي شاحنة وصدمت بالشبك الجانبي بين الطريقين في عمود جنب باب الراكب فطلع الايرباق اللي عند الراكب فقط أما الاريباقات الباقية سليمة فصلحت الجنب كامل ورشيت السيارة المرة الثانية كاملة.
- هنا وقفت اصلح فيها شيء
- الحادث الخامس النور الأمامي الأيسر عند باب البيت عطيت اخوي الصغير عشان اعلمه وخليته يرجع ورى ثم يقدم فرجع ولما جاء يقدم صدم سيارة الوالد عند الباب وهي واقفة. ( ما صلحته )
- الحادث السادس اخوي الثاني ركب فيها رصيف.
- الحادث السابع رجعت على واحد كان واقف وراي وانكسر عندي الاصطب الخلفي. ( ما صلحته )
- الحمدلله ان ربي بارك لي فيها من ناحية الماكينة والقير خلال طول الـ 12 سنة الماضية ولكن في آخر سنتين اضطريت أعطيها اخواني الصغار يروحون فيها الجامعة حتى صارت نفس اللي تشوفون.
- من ناحية الداخلية:
- طلعت لي مشكلة وهي لما اكون في طريق طلوع السيارة تبدّا تنتفض فرحت وقالوا عندك كراسي الماكينه يبي لها تغيير وبالفعل صدقتهم وغيرتها جميعها وكالة بمبلغ وقدره وبألاخير ما انحلّت المشكلة وبقيت امشي فيها على نفس الوضع.
- المكيف خرب قبل 4 شهور وتصليحه مكلف.
- السيارة إذا جيت اشغلها ترقص وتنتفض مدري وش فيها.
- المساعدات والأشياء الاستهلاكية غيرتها قبل 4 سنوات.
( بالنهاية ما عاد عندي إمكانية اني اصلح فيها شيء لانها أرهقتني وكرهتها و احتاج لي سيارة تمشيني توقعت انها بتمشيني حتى اخلص القرض اللي علي باقي عليه 7 شهور لكن قدر الله وماشاء فعل قالت لي هنا وبس فالآن ودي أبيعها بمبلغ طيب أحطه مقدم في سيارة جديدة.
- الاستمارة والفحص منتهي لازم أغير الزجاج الأمامي والانوار وكل خراب فيها. لا يتواصل إلا الصامل
