GLS 2015 قير اوتماتيك بنزين الممشى: 300 ألف كيلو  دبل الموتر سياحي خليجي فاكة على يدي جديد من معرض المسند الان ماشي 404 الف الحد 21 الف اللي يحتاج فيديو للسياره يراسلني على الواتساب نفظت بطنه عند العضيب وغيرت جلد المقصات كلها والفحمات من سنه حاليا يمكن يحتاج وزن اذرعه وفيه طقطقه خفيفه الفحص جديد والاستمارة جديده مثبت سرعة وتحكم في الدركسون بس كلها لا تعمل تحتاج شريحه دركسون بدون تركشن كنترول يعني مايحتاج تركب فاصل في الرمل ريموت ثلاث مراتب ومكيفين جنوط 16 والكفرات الاماميه صينيه جديده ما كملت شهر والخلفيه تايلنديه قديمه تحتاج استبدال عيوب السيارة تهريب اسفل السيارة ينقط شيء خفيف اتوقع صوفه الصدر المكينه تنقص زيت تقريبا نص علبه في الاسبوع حساس الدبل يحتاج تغيير لان لمبة الدبل تاشر بعض الاحيان واذا اشرت تقدر تطفي السيارة وترجع تشغلها وتعشق الدبل طبيعي واشتريت حساس جديد تجاري بس ما ركبته الموتر ماجته حوادث الحمدلله كلها مجرد دقشات بسيطه وماصلحتها وهي واضحة بالصور ومسجله في تقرير موجز العكس الامامي الايمن اتوقع يطلع صوت اذا عشقت الدبل واذا منت راعي بر مايحتاج تصلحه الحراره كما هو الحال في كل الباجيرو 3500 في حالات نادرة في عز الحر وعز الزحمه اذا طولت ترتفع فتضطر تطفي المكيف علشان تنزل الحراره... فيه ناس ركبت مراوح وزالت المشكله بس انا بحكم اني منب امسك زحمات في الصيف ماركبتها مروحه المكيف اللي على الرديتر تطلع صوت يمكن تحتاج اصلاحه او استبدال الموتر عمره 10 سنوات يعني يمكن فيه اشياء بسيطه لاتحظرني لاتشتري لين تفحص الدينمو تعطل علي وغيرته بدينمو ماليزي الطبه العلوية للرديتر تم استبدالها المكيف الحمد لله ما عمري لمسته من اشتريت السياره الا قبل خمس شهور تقريبا نقص فريونه وزودته وبعد اسبوع نقص وديته محل قال عندك لي يهرب وسوى لك كبس وبعدها الان ماشي اموره الحمد لله من وقتها هذا الي اتذكرة حاليا والبيع سمح التواصل واتساب فقط لن يتم الرد على الاتصالات 0544299969