كاديلاك اسكاليد 2007 قير اوتماتيك بنزين الممشى: 300 ألف كيلو  دبل للبيع اسكاليد 2007 ، ماشي 500 الف بدي وكالة ماعدا باب خلفي ايمن والصدامات ( حسب كلام راعيه السابق لأني شريته ولافحصته ) *فحص استمارة منتهي *الكفرات 285/65/17 شبه جدد مامشن 20 الف ك * جنوط ميثود مع طيسها ومفتاح صواميلها *عدسات هيلا *مبرد قير 40 الف *رديتر كبير جديد اكبر من حق الوكالة *المكينة6.0 موظبة بقطع ماهلي ومخروطة 6.3 توها مامشت 500 ك *وجيه روس كومتك ، الوجيه لحالها ب800 *طرمبة زيت ميلنق *هدرز بيسستر طويل مع واي مع دبة فلوماستر مدخلين مخرجين *فلتر وانتيك رياضي *ثروتل كابرس *بلف رياضي *القير بحالة ممتازة وتم تغيير زيته مع فلتر قريب *بطارية فارتا جديدة 70 امبير مع وجود بطارية اضافية الملاحظات: *المكيف لايعمل علما ان الكمبرسر ضغطه 35 يعني ممتاز جدا ماشاء الله لكن لااعلم مشكلته ولا احد حل مشكلته *الهيدروليك ملغي *سبب البيع ، الموتر عوكس معي مافي احد يعرف علته الا الله، ومنذ 7 أشهر تقريبا والموتر من ورشة الى ورشة ، الكمبيوتر غيرته 4 او 5 مرات ، الظفيرة عزلتها وغيرت بعض الأفياش النوك سنسر غيرته جميع الحساسات غيرتها ، جميع شي كهربائي سويته ، ولاقد وديته الا عند الفاهمين ، بمنتهى الأختصار الموتر أتعبني لدرجة انه اثر علي نفسيا وماليا والان مااعرف وش مشكلته ، التشخيص اللي يطلع بالفحص نوك سنسر وحساسات اوكسجين لكن الموضوع ليس نوك سنسر الموضوع ابعد من ذلك ، لذلك قررت اعرضه للبيع سواء بوضعه الحالي او ابيعه قطع ، وأسال الله ان يجعل مااصابني تكفير ورفعه وأسأله سبحانه العوض اللي يبي منه شي يراسلني الموتر بالصناعية وشغال ويروح ويجي لكن طابت نفسي منه علما انه كان من اعز المواتر ، لكن حيل الله اقوى ، والله يجعلني وياكم من الصابرين الراضين ، الصورة لنفس الموتر .