تويوتا برادو GX 2006 قير عادي بنزين الممشى: 300 ألف كيلو  دبل السلام عليكم ورحمة الله وبركاته أسعد الله أوقاتكم بكل خير للبيع تويوتا برادو 2006 ستاندر قير عادي دبل الممشى: 420+ ألف قابل للزيادة 4 سلندر 2.7L الفحص ساري الاستمارة سارية الملاحظات: - البدي كامل مرشوش من المالك السابق، ما عدا باب الشنطة. - فيه صوت إذا لفيت بقوة (إذا أخذت يوتيرن مثلاً) الظاهر أنه من العكوس. - الشكمان تحت فيه لحام لأنه انفك. - المكيف الحار مفصول. - الكفرات مغيرها لها أكثر من سنة، ما عدا الكفر الأمامي يسار له 8 شهور تقريبا. - في تهريب زيت من المساعد الخلفي يسار، وفي تهريب بسيط من القير بعد له مدة. - وفي رجة في الدركسون إذا دعست الفرامل، الظاهر الفرامل يبيلها تغيير. صار لي حادث قبل سنة ونص وانا جاي من الرياض انفجر الكفر الخلفي يسار، وغيرت عمود الكردان والدفرنس ووضبت المكينة، البودي ما جاه شيء، والشاصي من جهة الكفر جته ضربة خفيفة. و حول السنة تقريبا وانا جاي من الرياض بعد، انشقت المكينة بسبب الحرارة، ووضبتها مرة ثانية. ومن ذاك الوقت صرت ما اروح الرياض أبد هههههه. - القير عندي ما وضبته أبدأ بس مدري عن الملاك السابقين. والمكينة حالياً وضعها ممتاز وما تشكي من شيء ان شاء الله. ولمبة المكينة ذي بعد الفحص طلع من حساس الشكمان. الموتر عموما ما يحتاج الا صيانات بسيطة ان شاء الله. هذه كل صغيرة وكبيرة تخص الموتر وان شاء الله اني ما نسيت شيء. سبب البيع بسبب صرفيته العالية شوي للبنزين وودي بموتر أصغر. الحد 23000 ريال، والبيع كاش فقط. التواصل على الخاص ودمتم بخير،،،