السلام عليكم ورحمة الله وبركاته بسم الله الرحمن الرحيم للبيع جهاز نيو نينتندو ثري دي اس اكس ال New nintendo 3ds xl مهكر وجاهز ومحمل فيه اكثر من 40 لعبة مع اضافة متجر H-shop الي تقدر تحمل فيه اي لعبة تبيها مجانا مع ذاكرة 64 غيغا تكفي كمية كبيرة من الالعاب. الجهاز نسخة نيو مب النسخة العادية والي تخليه اسرع واقوى ويشغل العاب من اجهزة اكثر ويحتوي على بعض الالعاب الحصرية الي ما تشتغل بالنسخة القديمة. شاشة الجهاز العلوية هي IPS والي الالوان فيها تكون اجمل وزوايا الرؤية فيها افضل بكثير وبالعادة ترفع سعر الجهاز ب200-300 ريال. الجهاز نظيف وشغال 100%، يشغل العاب الاجهزة التالية: 3DS، DS، Gameboy، Gameboy Advance، NES، SNES، PS1، وكم جهاز غيرهم. الملحقات: قلم ووصلة شحن مثل ما هو موضح بالصور وذاكرة 64 غيغا. ملاحظات: - الكاميرا (شامل خاصية تتبع العين) ما تشتغل، وزر آر وسي ستيك يحتاجون تبديل، او تقدر تتجاهلهم لأنهم بالعادة ما يهمون كثير باللعب، الازرار المهمة كلها تشتغل 100%. - الجهاز قد انفك وتغيرت بعض الاجزاء الداخلية فيه مثل طبقة اللمس للشاشة السفلية. - الشاشة العلوية ركبت لها لينز (غطاء زجاجي) جديد وصار العرض فيها اجمل وصارت اصعب تتخدش، والشاشة السفلية فيها لصقة حماية تحمي من الخدوش. - الغلاف الخارجي استبدلته بغلاف جديد وصار شكله كأنه جهاز جديد، فيه خدوش بسيطة جدا. السعر 900 ريال قابل للتفاوض والصامل براعيه. الجهاز بالعادة ينباع بفوق الالف ريال، خصوصا الي شاشتهم IPS، لكني نزلت السعر بسبب المشاكل الصغيرة الي ذكرتها والصامل بخفض له اكثر ان شاء الله. غير كذا الجهاز قيمته قاعدة ترتفع بالسوق يوم بعد يوم والحين صار اغلى من الي كان عليه يوم كان جديد، ولو بتبيعه بعد كم سنة ممكن يربحك مبلغ مب قليل، خصوصا لأن شاشته IPS، انا عرضته للبيع لأني احتاج المبلغ وما ابي انتظر. بالرياض التسليم يد بيد او مرسول على حساب المشتري مع ضمان 3 ايام كاملة في حال ما اعجبك الجهاز بيرجع لك مبلغك كامل طالما انه بنفس حالته، خارج الرياض شحن ب20 ريال مع رد بوكس على حساب المشتري لأي مدينة. والله يبارك للجميع. التواصل عن طريق الواتس او الرسائل الخاصة بحراج.