شيفروليه تاهو 2015
دبل
السلام عليكم ورحمة الله وبركاته
((((( ماشاء الله تبارك الله )))))
(((( أرجو قرائة الإعلان كاااامل للمهتمين بالشراء ))))
للبيع تاهو 2015 دبل LS
العداد 218 الف كم فقط .
المواصفات معروفه عند الأغلبيه لاتحضرني ولكن اللي يعرف السيارة هذي يعرف مواصفاتها سيارة معروفه عند أغلب الناس ، دبل 8 سلندر LS
السيارة موضبة المكينة قبل حوالي 8 أشهر بسبب التكايات وهذا عيب معروف في التاهو واليوكن وتم اصلاح المكينة وتبديل كل شي يحتاج تبديل بقطع أصلية عند أفضل الورش وكلفت حوالي 11 الف وأعطتنا الورشة ضمان على شغلهم في المكينة 5 شهور وبالفعل ماشالله شغلهم ولا غلطة الى الآن ممتاز ولافيها أي ملاحظة ، والقير سليم من كل العيوب وتم تبديل زيت القير وفلتر وكالة له قبل فتره قصيرة ولافيه أي مشاكل ولله الحمد .
تم عمل صيانة شاملة لكل صغيره وكبيرة في السيارة وكلفتني اكثر من 18 الف وبذكر لكم بعض اللي سويته باختصار ( كراسي مكينة وكالة ، بواجي مع اسلاك بواجي وكالة ، طقم مساعدات وكالة أمامي وخلفي مع تغيير كراسي المساعدات وكالة ، زيت القير مع فلتر وكالة ، تلميع داخلي وخارجي ممتاز ، تبديل الزجاج الأمامي بنوع ممتاز ، طقم كفرات تايلندي نوع ممتاز ضمان 3 سنوات ، تم تنظيف شامل وتصييخ للرديتر عند أفضل المختصين وتبديل ماء الرديتر بموية اسيدلكو وكالة + وتم تركيب بلف رياضي ليعطي تبريد أكثر للمكينة والقير + تم الغاء بلف زيت القير ليعطي تبريد أكثر لزيت القير ، تم تركيب فلتر هواء رياضي نفس حق الوكالة ولكن ميزته يعطي تنفس أفضل وعملي أكثر ، تم تبديل فلتر المكيف وكالة .
البدي / كان فيه تبهيت في الكبوت والتنده وهذا عيب معروف في التاهو واليوكن ، وتم رشه عند أفضل الورش كبوت وتنده وصدام أمامي وعندي مقطع فديو لها قبل الرش لإثبات ان الرش بسبب التبهيت ، وبعدها بكم شهر ركبت له حمايه PPF على المقدمة كاملة بالشبك والكبوت كامل معالج ذاتي ضمان 10 سنوات ، وفيه رش قديم في الرفرف الأمامي خارجي ،،،، وفيه حكة خفيفة في طرف الباب الخلفي على وضعها .
السيارة متعوب عليها كثيييير ولما سويت الشغل هذا كله ماكنت ناوي ابيع أساساً ولكن جا في بالي سيارة غيرها وقلت ببيع والكسبان هو اللي بيشتري الحين لأن كل شي جاهز شغل وامش والله يبارك للجميع .
السعر 81500 ادري ان السعر ممكن أعلى من السوق بشوي لكن انا دفعت مبلغ اكثر من 18 الف صيانات وترتيبات في السيارة والسيارة فعلاً ماشالله جميلة ومتماسكة ومرتبه ومصينة ولون ممتاز ودبل وماينقصها شي تبارك الرحمن والكسبان هو المشتري اللي بتكون من نصيبه .
والسعر غير قابل للتفاوض أبداً ان جابت هالسعر او مكانها محفوظ عندي ، اللي يناسبه السعر يجي ويشوف السيارة . الموقع الدمام
