جي ام سي سييرا 2500HD 1982 قير عادي بنزين الممشى: 1 ألف كيلو اعرض لكم مشروع جمس رفرف 1982 شغلي وباشرافي الشخصي ((الرجاء قراءة الاعلان كاملاً)) حجم الشاصي 3500 مكينة 454 اساس الموتر 350 قير عادي مفحوص وجاهز الموتر مجدد بالكامل تفليش كامل (تم فك السياره مسمار مسمار وتجديدها) كل قطعه ركبت بالسيارة جديدة لا من ناحية بطن بالكامل ولا من ناحية اكسسوارات وتنجيد وغيره.. باختصار الموتر شيخ ما شاء الله تبارك الله. الصندوق بالكامل جديد براشيم الموتر واضحة بالنسبة لبوية السيارة بالكامل ديبير واللكر هاي سوليد افضل بوية ولكر بالسوق المكينة اللي على السياره 454 مديل 88 تم استبدال نظام الوقود فيها من حلّاب الى كربريتر المكينة فكّت من سوبر نظيف وممشاه 100 الف فقط تم عمل صيانه كامله للمحرك تغيير جميع الصوف تغيير طرمبة الزيت الى ميلينق ضغط عالي وطرمبة الماء اصلي جي ام واستبدال الجنزير بجنزير دبل وتغيير بكرة الجنزير من بلاستك لحديد واستبدال غطيان البلوف للشكل القديم وصنفره كامله للمكينة من الخارج ورشها باللون الازرق - حراري عليه مكيف اسوزو 5 بستم - جميع ملحقات المكيف جديدة من ثلاجه - كمبرسر - ليات علبة فريون بالكرتون والمكيف ثلج ما شاء الله تبارك الله .. الاخشاب سنديان درجة اولى والسلايت ستانلس ستيل 1 ملي ، ضد الصدأ تم تطبيق كهرباء السياره بالكامل عند ابو سعد الطويرش براس تنوره وهو من افضل الاشخاص اللي اشتغلوا كهرب الجمس ومعروف عند الجميع. تم تنجيد الموتر بالكامل عند ابتكار النموذجية ومن افضل الورش الخاصة بالتنجيد لهذا النوع من السيارات .. (جميع القطع الداخلية جديدة وبالكرتون) باستثناء القشره وديكورات الابواب وبقية القطع كانت اخت الجديده من نظافتها. لكن لعدم توفر القشره الاصليه في وقتها تم تلبيسها جلد الماني بطريقة احترافية (كل قطعه ركبت بالسياره كانت يا اصلية او أفضل الموجود بالسوق) توني مسوي صيانه للسياره وللمكينة كاملة مع تركيب كافة اجزاء المكيف بمبلغ حوالي 7500 الموتر للهاوي واللي يقدر التعب ووجع الراس ومشاوير الصناعية .. ماعليه سوم ومالي حد ، والله يرزقنا ويرزق كل مسلم يوجد بعض الملاحظات البسيطه راح يتم ذكرها للمشتري اذا الله كتب.