قطع غيار وملحقات خدمات فحص السيارات عملاءنا الكرام وردنا عدة استفسارات من بعض العملاء بخصوص. تفاوت السعر بين مراكز الصيانه الكبيره ومحلات رش ابو ريالين المنتشره حديثا اقصد طبعا محلات تضليل السيارات او الاكسسوارات اللي قاعدين يرشون سيارات العالم ويحوسون مواترهم يجي زبون ويقول لقيت محل رش يرش سيارتي ب 900 ريال او 1500 ريال مواد اصليه وضمان خمس سنوات !!!! هنا لازم ابين عده نقاط 1- الرش مو رش فرن يعني رشه شارع مخلوطه مع الغبار والتراب بعد كم شهر تلاقي سيارتك كانها وجه جدار لانعومه ولاصفاوه ولا لمعه فيها 2-المواد ليست اوروبيه وانما اردنيه او مصريه لان المواد الالماني اقل شي تكلف 1000 ريال للسياره الصغيره و 1200 سيارات وسط و 1500 سياره كبيره فكيف يكون سعر الرش عنده 1000 يعني يرش لك خسران ؟! 3-ماعندهم تلميع ولا تعديل للسيارات يعني يرش السياره وهي واقفه واذا استخدم معجون فمعجونه مع اول ضربه شمس تتقشر وانتم عارفين شمس الرياض كيف تكون 4- مستحيل يعطيك فاتوره ضمان بعد الشغل لانه عارف انه بيدخل في دوامه مشاكل وشكاوي ماتخلص فعلشان كذا من حقك تبحث عن السعر المناسب لك لكن لاتتهكم او تسخر من سعري اذا قلت الرش عندي 3000 ريال وعند هذي المحلات 1000 ريال فرق بكل شي عندنا فرن عندنا مواد المانيه عندنا تلميع عندنا خدمة مابعد الصيانه نحن اداره سعوديه ومع عملاءنا الكرام ويحزننا اللي قاعد يصير من بعض المحلات وسرقه فلوس العالم وتخريب سياراتهم يعني اذا رشيت عندهم وبعد شهرين خربت يبغالكم ضعف التكلفه حتى تعدل الضرر وبعضها يحتاج حرررق كامل للدهان يعني تكلفه اكثر المحلات هذيك محلات زينه فقططط محلات تضليل قزاز محلات اكسسوارات ليست ورشه مختصه للدهان ولاعندهم ابسط مقومات الشغل مرفق لكم محادثه واحد هنا والله ما اعرفه بس ارسل لي. وش صار بسياراته شي يقهر ومستفزززز وهم جنسيه معينه معروفه ولاعبين بسيارات العالم عقلك معك وفلوسك انت اولى فيها وسياراتك حرام تلعب فيها عند هذي المحلات مستمرين احنا بكشفهم وفضحهم وتوعيه الجمهور بتلاعبهم وسرقه فلوسهم الورش المعتمده للرش كثيره ومنتشره بالرياض بكل مكان واسعارهم معقوله مقابل خدمه ممتازه افضل لك لاترش وتخلي سيارتك برشتها القديمه ولاتروح عند محلات ابو ريالين بذاك الشارع