فورد اكسبيدشن 2012 بنزين الممشى: 250 ألف كيلو بسم الله الرحمن الرحيم ماشاء الله تبارك الله . فورد اكسبيدشن موديل 2012 لون رمادي غامق بدون دبل . المالك الثاني من الوكالة والمالك الأول من الأقارب ، السيارة ما شاء الله مستخدمة في الخطوط غالبا والدليل الممشى بمعدل كل سنة 15 الف تقريبا . . ايرباقاته ومحركاته مشروطة لا تفتفة ولا تنقيص ولا مغير ولا موضب وعزمه نشيط ومكيفه للأمانة يتأخر شوي إلين يبرد اعتقد يحتاج فريون ، كفراته مغيرة جديد لها شهرين ثلاثة تقريبا باقي زرعها مثل ماهو موضح في الصور والداخلية نظييييفة فقط يوجد عدة بقع تذهب مع التنظيف بالبخار والدركسون فيه اثار تقشيع خفيفة. . الحوادث : حادث ركن ايسر أمامي تم اصلاحه والصدمة كانت في الصدام فقط والبطانة حقت الكفر لم تصل للاجزاء الميكانيكية . حادث باب ايمن خلفي انصدمت امام البيت وتم تغيير الباب بدون رش مع اثار خفيفة في الرفرف الخلفي . . سبب البيع : البحث عن سيارة جمس XL موديل 16 فما فوق مع دبل ، بسبب كثرة احتياج مساحة اكبر للتخزين والذهاب للرحلات البرية . باقي ما انسام والحد 50 والصامل ما بنختلف معه .