1996
قير اوتماتيك
بنزين
الممشى: 254 ألف كيلو
للبيع جمس سوبربان كفو قمة بالنظافة مفحوص مؤمن واستمارة باقي فيها وجاهز للنقل الفوري موديل 96 مكينة 454 ڤورتيك مواصفات خاصة وارد الجميح المالك الثالث
اولاً:افلح من ذكر الله وماشاء الله تبارك الله .
ثانياً:يرجى قراءة الاعلان كامل قبل التواصل مع كل الاحترام.السيارة للمستخدم فقط والذي يبحث عن النظيف وعلى مدى فترة طويلة,وخضعت قبل عرضها للبيع لجميع الصيانات في حال حاجتها وعدم حاجتها بسبب عدم وجود نية للبيع.
*السيارة بإذن الله بودي بلد بلمعة بلده،فيه بعض النقرات والدقات الخفيفة وتم تعديل بعضها بدون صبغ.بدون حوادث وشاصيه سليم
*قزاز بلده بالكامل
*ممشاه 255 الف وكسور وقابل للزيادة وما امشي فيه كثير الا وقت السفر او التمشية في الصيف في الباحة او الشتاء في الرياض وطول عمره واقف ومغطيه بطربالين للمحافظة عليه من الشمس والمطر وحريص على غسله اول باول بافضل المواد.
*سقفه وكبوته نضيف والسيارة خالية من التبهيت او التشهيب.
*قير ماكينة عضلات على الشرط ومشدود ولاشي خربان ولايوجد تهريب او تندية او نقص وحريص عليه والصيانة أول بأول ومتعوب عليه واغلب القطع اصلية رغم صعوبة توفر الاصلي .
*الداخلية تم تغيير الكشنات او المراتب الى مراتب ستار كرافت وتنجيدها بجلد امريكي اصلي،فخمة ومريحة وشغل ممتاز والقديمة موجودة.
*الكراسي الامامية للسواق والراكب كهرباء والخلفية مفصولة وديكوراته مخشبة وبحالة جيدة.
*الدينمو مغير الى دينمو جمس اصلي 2018 وفوق بدون ترهيم على نفس القاعدة وامبير عالي 220 امبير واموره تمام.
*المكيف جيد جداً وبارد خصوصاً في المشي وعند الوقوف يضعف شي بسيط ولايفرق.
*مبدل كلتش المروحة الى مراوح دينالي كهرباء وضفيرة شغل ممتاز ومرتب ترتيب بلد وحساسين مرسيدس واحد مع السرعة الاولى والثاني مع السرعة الثانية بعد فتح البلف والبلف بلف رياضي موتورد طلبته من امريكا ويفتح على ال80 درجة وحرارته فوق الربع بشوي في عز الحر ودرجة الحرارة 48 وهو واقف او طالع عقاب والمكينة خفيفة ودعستها نشيطة.
*تم تغيير طرمبة البنزين بطرمبة ياباني وتنظيف التانكي وتغيير صفاية البنزين.
*تم فك المكينة من باب الصيانة واسهل في العمل وصيانة التالي:
جميع الصوف والقازقيت في المكينة، طرمبة موية وطرمبة زيت وحساسات وجلد بلوف وتكايات ومسح الراس على نظافة وبواجي واسلاك بواجي وتنظيف البخاخات وشدادات وسير وراديتر امريكي اصلي المنيوم بقيمة 1200ريال وليات مبرد القير وجميع ليات التبريد.
*السيارة صافية ومريحة وراسية في الخط او في المدينة متماسك وثابت وبدون قربعة واصوات زي الجديد.
*جميع العضلات مغيرة اول بأول والمساعدات .
*القير تغييراته ناعمة وبدون اي ملاحظات ونشيط،ومركب له مبرد قير 40 الف وحدة كندي اضافي مع مبرد الوكالة.
*كفرات جديدة.
*فرامل خلفية جديدة من قماش وسلندر فرامل خلفي كلها اصلي وفرامل امامية جديدة
*عليه عازل حراري من V-cool من تاريخ قديم
*الزيت زيت موبيل1 تخليقي 5w30 ويتغير اول بأول كل 4000 كم ولاحرق ولا نقص.
*تم تغيير الشمعات الى شمعات ليد بعدسة وتغيير قزازها الى شفاف اوضح في الرؤية واقوى، ويوجد طقم اصلي مستعمل وطقم انوار كامل جديد TYC.
🔺باختصار كل شي يعمل وقليل الخراب وسيارة عملية اعتمادية واسافر عليها من الرياض للباحة والى مكة وجدة 🔺
فيه بعض الملاحظات تذكر للصامل للأمانة ولاتؤثر فيه
المطلوب 30 الف والصامل والقريب بدون بخس حياه الله، ان جاب حقه من المحافظة عليه والاهتمام فيه والحرص عليه وعلى قطعه وصياناته ومتابعته والا مكانه محفوظ واهل الجموس يعرفون ويقدرون هذي السيارات.
الغرض من البيع التبديل الى فان ستار كرافت
البيع كاش
