للتبني ❤️❤️. تم التبني خلاص✅ تحلفلي انك ماتضربه لانه دلوع مره مره وخواف مره مره قط سكوتش وجدته في حديقة الاسكان مرتفع درجة حرارته وعطيته خافض حرارة واموره جالسة تتحسن ومستقرة عمره سنتين تقريبا حسب كلام البيطري لايشكو من اي امراض ولا فطريات الي على جلده جروح فقط مسكين كان يتعنف 😾 طبعا القط هذا وديته البيطري وطلع مخصي ومن المحتمل بنسبته 80٪ متخلى عنه وكانت رجله تعرج واتضح انه بسبب اظفرة كبير ومهمل فالتوى ودخل على يده والحمد لله قصيته ويحتاج وقت يتعافى. اتوقع انه مطعم والله اعلم مميزاته يتعلق بصاحبة مره ويجلس في مكان صاحبه المعتاد وينام معه لحاله مايحتاج تناديه طبعا هذا يحتاجله صبر ووقت عشان يتاقلم معك وبعد مايحتاج تروح تسوي عمليات تجميل لانه بينظف وجهك ويخليه لامع هههههههههه ( يلحس بلسانة وجهك ومادري هي مشكلة ولا ميزة ماياكل الا لما صاحبه يعطيه اكل ويكون معه وخصوصا الدراي فود مادري لها حل ولا بس مو دايم بعض الاحيان ياكل لحاله اذا كان جوعان مره او كان الاكل له ريحة مثل المعلبات ، يموت في شي اسمه مكافأة يعرف انه مكافأة من بعيد يجيك طاير ههههههه ، ذيلة قصير نوعية خاصة من السكوتش على ماعتقد ورجولة قصيرة بعد، دب مره ما شاء الله ، 🐈 اذا جاء يتنفس يطلع صوت عالي لما كان مريض الحين ماله صوت الحمد لله بس مادري هل هو كذا ولا وش مدري وعيونه تطلع افراز لونه برتقالي البيطري قال عادي بس امسحه والحين خفت مدري بعد هي بسبب انه درجة حرارته مرتفعة ولا بس الحين خفت مره ، اذا حاب تستفير الخاص مفتوح. تعديل؛ رحت البيطري مره ثانية وطلع رجله هذي الدائرية الاصابع مادري وش اسمها فيه وحده كبيرة ووحدة صغيرة ولكن الدكتور سائلني لعبة ومشية ووضحتله قالي اجل مافيه إشكالية