2018 لمن لا يفهم باليخت بعطيكم بعض النقاط 1- اليخت هو الموديل ما بين 2014 الى 2020 فقط 2- موديل اقل مثل 2013 وتحت يُسمى بانوراما وموديل اعلى 2021 فما فوق يُسمى الجوهرة هي مجرد تسميات خليجية وليست عالمية الاسم الصحيح لجميع الموديلات هو s class او فئة اس 3- موديل 2014 و 15 و 16 و 17 يعتبر شكل وموديل 18 و 19 و 20 نفسه ولكن تغير الشبك والصدامات والشمعات والاسطبات وبعض الاشياء الداخلية مثل الدركسون والشاشات وبعض المواصفات 4- اهم نقطة وهي احجام المكينة يوجد 4 سلندر تيربو ويوجود 6 سلندر تيربو ويوجد 8 سلندر تيربو ويوجد 12 سلندر تيربو نجي نقسمها باختصار الاربع سنوات الاولى 14 و 15 و 16 و 17 اتكلم عن الخليجي ما جاء 4 سلندر S320 محرك 6 سلندر تيربو S400 محرك 6 سلندر تيربو اقوى ومرغوب S500 محرك 8 سلندر تيربو ومرغوب ايضا كثير S63 محرك 8 سلندر تيربو بطابع رياضي واقوى من السابق S600 محرك 12 سلندر تيربو ينزل على المايباخ S65 محرك 12 سلندر تيربو رياضي ونادر الموديلات الثلاث الاخير 18 و 19 و 20 S320 محرك 4 سلندر تيربو، نزل في 2020 بس S450 محرك 6 سنلدر تيربو ومرغوب وقوي S560 محرك 8 سلندر تيربو مرغوب واقوى S63 محرك 8 سلندر رباضي تيربو بعد اقوى من السابق S680 محرك 12 سلندر تيربو ينزل على المايباخ S65 محرك 12 سلندر تيربو رياضي ونادر 5- القير في الاربع الموديلات الاولى يجي 7 غيارات القير في الثلاث الموديلات الاخيرة يجي 9 غيارات 6- يوجد في السوق نوعين فيه دفع كلي وفيه دفع خلفي الكلي ممتاز في الثبات والثلوج الخلفي ممتاز في التسارع والخفة والافضل هو الخلفي ، ولامانع من الدفع الكلي 7- الوكيل الخليجي كله نفس الشي تطلبه طلبية لا احد يقول الجفالي احسن او القرقاش او القطري كلها واحد ، ومن مصنع واحد ومتوزعة على خليج واحد فيه جفالي وفيه قرقاش اماراتي وفيه قطري ناصر بن خالد هذي المشهورة اكثر شي وفيه غيرها 8- المواصفات نسمع عن الازرار معلومة وهي ان الازرار خاصة فقط بموديلات اليخت يعني مافيه ازرار بالجوهرة ولا البانوراما اعلى شي هي 6 ازرار زر قيادة ذاتية زر محافظة على المسار زر تشغيل حساسات الصدامات زر الاربع كاميرات زر الرؤية الليلة زر البروجكتر وفيه مواصفات اضافية شاشات خلفية ثلاجة خلفية تحريك كل المقاعد مساج كل المقاعد تبريد تسخين كل المقاعد وتحكم خلفي بالمكيف ( الامريكي اكثره بدون ) ايضا مواصفات اخرى مثل سقف شامواه سماعات 3D ومراتب دايموند ( يعني مطرزة شكل معينات ) 9- هل انصح في السيارة ؟ نعم و لا نعم اذا كانت وكالة شد بلد ( راح تستمتع كثير ) او على الاقل مصينة صيانة كاملة ونظيفة جدا لا ما انصح اذا كانت مستهلكة واذا فلوسك كثير ، وناوي تصينها صيانة شاملة بس اهم شي مافيها صدمات اثرت على تماسك السيارة لكن نصيحة خذ نظيف ولو اغلى بالسعر . 10 . الامريكي والكندي والياباني يجي s550 هو نفسه s500 ونفس كل شي اللهم اختلاف مسميات هل النظيف منه خدوم ؟ نعم خدوم وممتاز ولا يفرق عن الجفالي او الخليجي شي ، يمكن اختلاف اشياء بسيطة او اكسسوارات بسيطة لكن المكينة والقير والتبريد وكل شي نفس بعض 11. ماهي اكثر العيوب اللي يشتكون منها ؟ اكثر شي هي الجنوط مع المطبات تتطعج وتصير تحتاج خرط ، وبعضهم يريح راسه ويشتري يخت جنوطه صغيرة اتوقع مقاس الجنط 19 او يشتري مباشرة جنوط مقاس 19 ولكن شكلها ماهو جميل 12. اكثرها تجي AMG وش يعني المعنى انها محسنة ومضاف لها اضافات من شركة amg وهذي الشركة تابعة اصلا لمرسيدس بنز واكثر اللي بالسوق amg اي استفسار انا