في حالة انك فقدت طيرك الكاسكو حسب تجربتي اذا كنت ساكن في الادوار العلوية تطمن ماراح ينزل على الشارع راح يكون في اسطح الحي الا انت فيه وغالبا ماراح يصفر ويطلع صوت في نفس الوقت انتظر الين صباح اليوم الثاني بعد الفجر اطلع السطح وراح تكون الدنيا هدوء بلا ازعاج ولا اصوات السيارات راح تسمع صوته يناديك واذا كان بعمر صغير راح يطلع نفس صوته وهو جيعان واذا سمعت صوته وشفته ناديه باسمه واذا سمعك راح يرد عليك بصوته كذا يدل على انه شافك فاقعد ناديه الين يطير واذا طار راح يجي جهتك انتظر الين 10 دقايق وناديه واذا ماطار خلي احد يطلع السطح اللي هو فيه ويمسكو واذا هج من عنده راح يجي لعندك لا تغلط غلطتي انا شفته ولا ناديته ع طول رحت للعماره اللي هو فييه ولا حصلته طار ابعد على عمارة ثانية واذا ماسمعت صوته في اليوم الاول لا تيأس انا لقيت طيري اليوم الثاني ماراح يموت اول يوم يتحمل حسب تجربتي اني فقدت الطير في فصل الشتاء في جدة في العصر يعني درجة الحرارة في الظهر بتكون 29-30 درجة مئوية ولقيته بعد يومين لان اليرم الاول ماكان عندي خبره ولا احد نبهني على اني اطلع السطح الفجر الصباح وفقدت الامل ولا طلعت السطح الفجر اليوم الثاني صحيت الفجر وراجع انام سمعت صوته صدفه ولا اتوقعت كان الشباك مفتوح بلا ازعاج ولا مكيف طيري عمره 3 شهور مازال ينغر ما انفطم لسه يعني ما يصفر سمعت صوته نفس صوته وهو جيعان فقدت يوم 25 فبراير الثلاثاء ر لقيته يوم 27 فبراير الخميس الصباح قاربة يومين وهو برا هذا يدل الطير يعرف منطقتك بس مايعرف البيت وماراح يهج اذا كنت انت مربيه من صغره ولاتنسوني من دعائكم