يقولون : الولد وإن طاب طيبه من خواله وإن تردى فاعرف انهم خايبيني هالبيت ينطبق على هالـ3 قطط، امهم سكوتش فولد من قبائل الإنجليز الأصيلين من إسكتلندا، وأبوهم هملايا بدوي من قبائل بدو أمريكا الشمالية طيور شلوى. التقو هالمكس العظيم المخملي وتزوجو وجابو 3 صقور على هيئة قطاوة. أعمارهم الجسدية حاليًا شهرين لكن أعمارهم العقلية 5 سنوات ماشاءالله تبارك الرحمن. الأول ذكر واسمه : يعرب من بعده اقتنعت ان الرجل من ولادته يكون رجل وكفو ماتنتظر عمر معين عشان تشوف هو رجل او لا، شكله جامع بين أبوه وأمه (سكوتش فولد و هملايا) هو حامي الحمى وولي عهد أبوه، شجاع جدًا رغم صغر حجمه ودائمًا يقدم على الحمام ولا يهابهم رغم كثرتهم، بعض الأحيان يتذكر انه لا زال طفل ويبدأ يلعب ويصارخ ويناقز ويعضعض ويمخش ومرات لا يكون هادي وجالس بصدر المجلس كأنه شايب عمره 70. الثانية أنثى وإسمها : لاتيه ورثت كل شيء من ابوها الا الركاده شكلها (بالكامل هملايا) عوبة بعض الأحيان وبعض الأحيان سنعة وذربة ومافيه مثله. الثالثة أنثى وإسمها : إكسير هاديه جدًا وحنونه وقلبها قلب أم وهي الي تداري أخوانها يعرب ولاتيه شكلها جامع بين أمها وزوجة جدها الخامس (راسها سكوتش فولد وجسمها شيرازي) مرات وهي جوعانة وقاعدة تاكل اذا جاء احد اخوانها يبي ياكل تبعد عن الصحن وتخليه له واذا ضاقت تبعد عن أخوانها وتنام بزاوية لحالها عشان ما يتضايقون اذا شافوها حرفيًا قلب أم. اما من ناحية أسعارهم فا هم فوق التقييم ومافيه سعر يحدد قيمتهم وأصالتهم وطيب خوالهم وعمامهم، لكن بكل الأحوال سعر الواحد منهم ماراح يقل عن 1000 ريال، والبيع لأعلى سومة.