2018 قير اوتماتيك بنزين ماشاءالله تبارك الله وافلح من ذكر الله سته سلندر VX3 الممشى توه داخل 300 الف البودي وكاله ماشاءالله وع الفحص فيه تعديله بطرف الكبوت اثر دقه بسيطه تكاد تذكر ومنقطه لا انفك و لارشت ولاتمعجنت حتى الصدام ماتغير ولاانرش وفيه صوره لها قبل وبعد المحركات وكلشي سليم ونظيف ومعاي ولايشكي من شي يارب لك الحمد من 3 سنين او اكثر تقريباً ماشاءالله وموتر مصيون ومحافظ عليه وجميع استهلاكياته تتغير باستمرار وبافضل المنتجات واغلاها ان كان سوائل مثل زيوت المحرك(مايعدي خمسه الاف) والدفرنسات وموية الرديتر وبلف الحراره وغيرها او قطع المحرك الاستهلاكيه مثل البواجي والصفايه والفلاتر وغيرها. العضلات:واسفل السياره ماشاءالله يتشحم كل 10الاف للمحافظه و نظيف لااصوات ولاتهاريب ولاترشيح ولاغيرها (انظمة الدفع الرباعي) -دفع خلفي وكاله (شد مصنع) خفه وتوفير وقود -دبل خفيف -دبل ثقيل -دفلك -تراكشن الموتر فل الفل VX3معد بعده فئه مراتب جلد وكهرب وانوار ليد وخرايط وقيرF1 خلف المقود وشنطه كهرب ودخول ذكي وغيرها الكثير. عليه اضافات لاهل البر من نظام تعليق مثل المساعدات افضل من الوكاله واثبت واجود او كهرباء مثل الانارات الجانبيه تشتغل بزر او فاصل موانع عند افضل المحلات الي تشتغل شغل نظيف ومرتب ومعزول واغلاها. كفراته دنلوب تواريخها جدد وخوات الجدد بختصار موتر طيب للمستخدم ولايشكي من شي دق سلف وتوكل على الله فيه اثار برد خفيفه جداً جداً ع الكبوت تكاد تبان مع التركيز والاضائه القويه،ودواخله وكلشي نظيف كما وانه يحمل لوحه شبه مميزه ملاحظه:تذكر لابراء الذمه قبل فتره طويله ممشاه وقتها حدود 200 غيرت زيت القير وجا بعده تفويت مفاجي ورحت غيرته مره ثانيه في الحال وشيكت عليه عند مختص جيد ولاطلع فيه شي وبرمجته وزانت اموره اللحين مع ايام البرد اذا مشيت فيه وهو ماحمي تكون فيه بسيطه مره ماتلاحظها الا اذا ركزت واذا حمي زبط والحمدلله من ذيك الفتره للحين اموره طيبه واتوقع لو فيه شي كان امداه يبين مع اني مسافر بعدها فيه كثير ونازل عقيب ونازل بر وجميع الاستخدامات الخفيفه والشاقه بغرض الفحص والتاكد ولا لاحظت اي اشكاليه تبديلاته سلسه ومرنه واستحابته سريعه تماماً طبيعي وشكراً. على السوم والتواصل ع الموقع لكثرت الاتصالات لامانع من البدل المناسب النظيف لامانع من البدل دعاساته مفكوكه ومحفوظه عندي في البيت وكذالك مساعداته حقت الوكاله وياياته واسبيره ماقد ركبته وشنطته وكتلوجاته واسبيره كلشي يخصه موجود ومحفوظ وموتر طيب بالحيل ثاني مالك من الوكاله شاريه من راعيه الاول ممشاه 70 الف ولاتنسى ذكر الله