مرسيدس S S600 2004 قير اوتماتيك بنزين الممشى: 1 ألف كيلو السلام عليكم ورحمة الله وبركاته فياقرا 600 تيربو 2004 الموتر واقف له فتره طويله لوجود موتر ثاني. مواصفات ال 600 معروفه ما يحتاج اذكرها مع العلم للذكر فقط موتري الثاني بانوراما 500 وتندمت كاني أسوق كامري يا ليتني خذت 600 ومن فتره لفتره ارجع ل 600 ولو داخل الحاره يكفي فزته تحس انك تسوق موتر. الملاحظات المكينه تغيرت من فتره طويله لقيت المستخدم ارخص من التصليح الطبلون تغير والأصلي موجود خربان عشان كذا لا احد يسألني كم ماشيه انفجر هوز هيدروليك وغيرته جديد ومن يومها فيه شوية تهريب ماحد عرف من وين عشان كذا من فتره لفتره أزود زيت وماشيه الامور لاني مو معتمد عليه كثير ولا عاد اهتميت في التصليح لان ما لقيت ورشه صاحية. فيه صوت حنه يقولون من طرمبة المويه خذيت جديده من النت وباقي موجوده في الشنطه لها يمكن سنتين كل ما تحمست اصلح هالموتر أتردد كسل ومافيه ورش فاهمه تستأهل الواحد يدفع فلوس والشنطة ما تنفتح إلا بالمفتاح ولا توقف لحالها لازم تحط عصا شكلها تبي زيت ومساعدات وباقي الأمور شغاله. الاستماره جديده. الفحص جديد. التامين توه منتهي قلت ياولد خلاص نبيع ونستغني عن ال600. الموتر قابل للتجديد إذا عندك ورشه خاصه ترشه بويه تشتغل فيه ع راحتك او انك من عشاق ال 600 وتبي تدفع تجدد بس ما انصح قطع غيار وعماله قليله. الاختيار الثاني تشليح إذا انت فاضي تبيعه قطعه قطعه راح تلاقي أرباح ضعف اللي بتدفعه لقيمة الموتر لان اغلب القطع أظمنها لك نظيفه. يوجد طرمبة مويه جديده وطقم بواجي جديده والطبلون القديم وزيت هيدروليك فوق البيعه تشوفونها داخل الشنطه. الكسر اللي في القزاز الخلفي هذا من الثلج يوم ربي رزقنا بمطر جامد في الدمام الثلج او البرد كان كبار وطاله وهو في الكراج الموتر صراحه سيم من شباب زملاء بعشره واللي قال 11 بس خذيتها ع انها مزح مو جد . عاد شوفو الصور وعطوني سومتكم سواء كانت استخدام او تشليح وتقبله ع وضعه لا احد يقول فحص وما فحص تبي تشوفه تراه موجود في الدمام حي الروضه اغسله وبحطه عند الباب . وسلامتكم معليش يمكن تكون الصور مو مرتبه لاني مستعجل بس سحبتها من الجوال ودفيتها عليكم. التواصل بيكون عبر الموقع لين اشوف الصامل بعدها بتواصل معاه.