🧠كثير الحركة... قليل الصيد كتير من الأهالي ينطبق عليهم المثل ده مع أولادهم من ذوي التوحد أو الفئات الخاصة… تلاقيه دايمًا بيدوَّر، يروح وييجي، يعرض الطفل على دكتور واثنين وتلاتة… يسافر مسافات، يعمل فحوصات كتير، ويسأل الناس: "هو ابني هيتكلم؟ هو طبيعي؟ هو عنده إيه بالظبط؟" وبين مشوار وعيادة، بيضيع وقته… وفلوسه… وبيُرهق الطفل نفسيًا وجسديًا. والنتيجة؟ واحدة. مفيش خبير قاله على تركيبة سحرية… ولا دكتور طلّع له وصفة سرية من بردية فرعونية! كلهم قالوا نفس الكلام: "التدريب السليم، المتابعة، التكرار، والصبر" بس هو مش قادر يصدق إن الحل مش في المشوار… الحل في الاستمرار. 🎯 مفيش مهارة بيتعلمها الطفل في يوم وليلة. في مهارات بتاخد أسابيع... شهور... وأحيانًا سنة! بس الطفل بيوصل… لو حضرتك التزمت. لو كررت. لو فهمت إن التدريب مش شغل جلسة بس، ده نمط حياة. ما تتنططش كتير… ما تلفش على الكل… لأنك بتستهلك طاقة طفلك بدل ما تبنيها، بتقتل نفسيته بدل ما تعالجها. 💡 تفتكر إيه الفرق بين طفل تقدّم وطفل واقف مكانه؟ اللي استمر. مش الأذكى، ولا اللي راح مراكز أغلى، ولا اللي عمل فحوصات أكتر، اللي كمل الطريق للآخر… هو اللي شاف النتيجة. فـ متضيعش ابنك في دايرة مالهاش آخر… ابدأ دلوقتي… وامشيها وحدة وحدة… بس اوعى تقف ❤️ اخصائية التخاطب أمنية عادل تواصل واتساب 00 966 ( رقم الجوال يظهر عند الضغط على زر تواصل )