فورد كراون فكتوريا 2008 بسم الله الرحمن الرحيم أعرض لكم فورد فكتوريا 2008 الشاص الطويل النادر جداً في سوق ولا أبالغ إذا قلت قطعة ماتتعوض ترى قليل جدًا تلقى مثله بهالنظافة وممشى حقيقي وبدي بلد واللي يعرف يعرف إن الشاص الطويل صار عملة نادرة خصوصًا النظيف وتنعد الاصابع والهوى يعرف كلامي •اللون: فضي •الداخلية: رصاصي •الممشى: 346 ألف (ممشى قليل على عمره يُعتبر ولا شي) •البدي: بلد ما فيه ولا نقطة رش أبدًا ‏الرفرف الخلفي في ضربة تتعدل بس الصدق ما سويت فيها شي ولاتاثر •عليه حماية كاملة على الكبوت والرفرف كانت عليه حماية وشلتها وكمان توني مطقم له كفرات جديده •مكينة وقير حرفيًا على الشرط والمشتري له الفحص وين ما يبي •مصروف عليه مؤخرًا فوق 5 آلاف ريال من وإلى موتر ما يحتاج شيء ابداً •الزجاج وكالة كامل ما عدا الأمامي فقط بسبب الفحص •مسجل وكالة + كتالوجات وكالة محفوظة معه •والأجمل؟ عليه لوحة مميزة تزيده فخامة وقيمة ⸻ 🚗 الموتر ما شاء الله تبارك الرحمن تشغّله وتتوكل لا قربعة لا هربدة لا تأخير ولا خرابيط تسافر عليه وأنت مرتاح 🔸 فيه ملاحظة بسيطة أبرّي ذمتي فيها: إنارة عداد الممشى خفيفة شوي لكنها واضحة وما تعيق أبد تتصلح يحتاج بس تغير اناره ⸻ موتر نادر جداً جداً نظيف جاهز وكأنك شاريه من الوكالة بوقته وترا اتكلم بصراحه موتر يستاهل كل ريال فيه يكفي الوسع اللي فيه وملك الخطوط واللي عنده زيه بيعرف كلامي اللي صامل بيتواصل معي واللي ما يعرف قيمة النظيف لا يضيع وقتي ووقته عطو الموتر حقه ولا يقعد في مكانه الفرصة قدامك والنادر ما يدوم ⸻ ونبدأ السوم من فوق 20 واللي بيبخس الموتر ويجي بأقل من كذا نصيحة من أخوك شف لك غيره السوق مليان وكلٍ ياخذ على قد فهمه أتمنى ذكر الله يا إخوان وبيض الله وجيهكم جميعاً 🌹 وشكرًا لكم