كيا سيراتو نص فل 2014 قير اوتماتيك بنزين الممشى: 300 ألف كيلو بسم الله الرحمن الرحيم قال صلى الله عليه وسلم (البيعان بالخيار ما لم يتفرقا، فإن صدقا وبينا بورك لهما في بيعهما، وإن كتما وكذبا محقت بركة بيعهما) وصدق رسول الله لدي سيراتو 2014 منوة المستخدم شريتها على يدي وليس لها مستخدم غيري ممشى 379 وهو معقول جدا بالنسبة لمديل الموتر تحكم دركسون مثبت سرعة بلوتوث السيارة قير ومكينة شد بلد وعلى الشرط كنت حريص جداً على نظافة امورها الميكانيكية لتوريثها لأخي صراحتاً لتعيش معه اطول فترة ممكنة السيارة من أول سنة مبدل كومبروسرها بكومروسر ياباني دون عطل ومن ذاك الحين للان ومكيفها ما شاء الله ثلج السيارة مبدل فيها الصدام الامامي وأما باقي القطع وكالة، ولا تخلو من الصدمات والحكات البسيطة كما يوضح في الصور لكن لم اصلح اكثرها لاني كما اسلفت ما كنت ناوي ابيعها الحوادث الوحيد على السيارة على ما أذكر هم كالتالي: في السنة الاولى صدمت سيارة اخرى على سرعة بطيئة وغيرت بسببها الصدام الأمامي وتم سمكرة الرفرف الايمن فقط، لكن للاسف طلع فقط ايرباق الدركسون رغم أن الحادث ما كان قوي ولم ابدله وفصل صاحب الورشة لمبته دون علمي ولذلك وجب التبيين. والسيارة بحالة ممتازة واستخدمتها بعد الحادث عشر سنين دون مشاكل. الحادث الثاني كان بصدم كلب بالخطأ أعزكم الله وبسبب الحادث غيرت الصدام مرة اخرى بصدام تايواني يبي له رش ويرجع جديد، وانكسرت القزازة الامامية ولم اصلحها الا هذه السنة لاجتياز الفحص الدوري. الحادث الثالث والاخير قبل 6 سنوات المكيف الحار سرب علي وأنا في خط وخرب راس المكينة، ورغم أن توضيبها كان سهل بدلت المكينة باخرى شبه جديدة بسعر غالي من نفس نوع وموديل الموتر واضمن أنها شد بلد وانها انظف ما في السوق وممشاها حتى الآن أقل من نصف ممشى الموتر وهي ممتازة وبتمشي سنوات قدام باذن الله لاني حرصت على المكينة والقير انهم يكونون شد بلد ونظيفين لابعد حد. وأيضاً تم تغيير نظام التبريد بالكامل من رديتر وليات ومراوح بقطع أصلية أو كورية والغاء المكيف الحار وكلفني كثير لكن كما قلت، الموتر ما كان النية إني ابيعه. الموتر الآن لا يحتاج لشيء عدى تغييى جلد فقط وأنا استخدمه حتى فترة قريبة وممتاز جداً ومفحوص ومجدد وجاهز للنقل. هذا كل ما في الموتر بينته وهو بصراحة للي يبي موتر ميكانيكيا نظيف ويمشي معه سنوات فلن يجد افضل منه. البيع على السوم والله يبارك لنا ولكم.