تويوتا كامري GLE 2024 للتنازل مصرف الراجحي قير اوتماتيك بنزين الممشى: 47 ألف كيلو السلام عليكم ورحمة الله وبركاته .. أعرض لكم سيارتي كامري 2024 فل كامل اللون تيتانيوم للتقبيل بدون مقابل مواصفات السياره فتحة سقف جنوط تشغيل بصمه شاشة ومواصفات الفل المعروفه الموتر له معي سنه وياربي لك الحمد مايشتكي من شي القير والمكينه والشاصي والارباقات شرط وكاله البودي وكاله عدا الشنطه رش جزئي كبر الكف وتعديل ب الرفرف الخلفي الايمن بدون رش الموتر م جاه غير الصدمه ذي وموضحه في موجز الموتر وكاله حتى كفرات وكالتها عليها ماغيرتها كتيبات الوكاله والمفتاحين كلها موجوده اغراض السياره كامله والاسبير وعدته مافكت موجوده الموتر باقي على الضمان واغير زيت عند البترول الذهبي وجميع الفواتير موجوده الموتر مفحوص ومجدد جاهز للنقل واذا طلع خلاف كلامي اتحمل قيمة الفحص كامل الموتر بأسم مصرف الراجحي والتنازل يكون بدون مقابل ولازم الي بيتقبل السياره يكون راتبه على مصرف الراجحي ويكون عنده استحقاق انه يتقبل السياره وجميع المبالغ المستحقه ل التنازل انا بدفعها يعني ماتدفع الا مبلغ فحص السياره في اي مركز انت تبغاه وعندك كذا حل سواً بتعيد الحسبه مع البنك واحتمال اصلاً ينزل قيمة القصد ل اني طلعت السياره على نسبه عاليه او تاخذه سداد مبكر وبتكون انت المالك الاول بعد البنك في كل الحالتين تفاصيل القسط القسط الشهري 1993 الف ريال السداد المبكر 114 الف ريال المبلغ المدفوع الي دفعته انا 22500 الف ريال الدفعه الاخيره 59 الف ريال الي دفعته انا 13 شهر المتبقي 47 شهر والله يكتب الي فيه خير للجميع انا تعمدت الاطاله ب الاعلان عشان اكتب جميع التفاصيل واتمنى م يجي الا الصامل .