بي ام دبليو الفئة X X5 2007 قير اوتماتيك بنزين الممشى: 300 ألف كيلو الاعلان الثاني نرجوا الجديه ولانقبل العربون تجي شف الموتر وقلبه وجربه ان جاز لك الله يبارك لك الاعلان الاول اكثر من واحد جاء وجرب وحط عربون على ان اخر الشهر بيتمم البيعه وماكتب الله لظروف المشتريين اوراق السياره ساريه الفحص الدوري ساري الاستمارة ساريه جاهز للنقل من ابشر او المعرض حسب رغبة المشتري ثلاث صفوف مقاعد تسخين مراتب مراتب كمفورت فتحه بانوراميه شاشه كبيره كت m كامل جنط 20 وبقية المواصفات الي ماتحضرني الممشى 290 الف الصيانات الي تمت خلال 6 شهور الماضيه تذكر للصامل العيوب مرشوش صدام امامي بسبب السافي بقية البدي معنا ماجاه شي مع الي قبلي مانعلم عنه ولكن واضح ان ماجاه شي ان شاء الله والصامل يجي وعينه وماتشوف تهريب من زيت الدركسون بعض الفنيين يقولون لي الدركسون وبعضهم يقول طرمبه الدركسون وبعضهم دوده دركسون والعلم عند الله المكينه سليمه وصافيه والقير سليم وتغييراته 6 تغييرات يغييرها بالكامل والمكيف شغال وبارد ولكن فيه تقطيع بسيط عند الدعسه القويه والسبب تصفيه مكينه وذلك لان السيارة لاتستخدم الا للسفر فقط واغلب الوقت واقف ديكور الباب الخلفي مكسور ومفكوك اثر تقفيل الباب على شنطة سفر وانكسر فتحت السقف من شريناه مااستخدمناها ابد ولا تعبثنا فيها لذلك لا اعلم اذا شغاله او لا ولكن مافيها تنسيم هواء ابد مع الخطوط والحمد لله ممكن يحتاج جلبه مقص امامي يسار ممكن مو اكيد كل الي اعرفه عن السياره ذكرته والله اعلم ولا يغني الي قلته عن الشوف والحوف وتجريب الموتر من المشتري السيارة ياخوان استخدام للسفر فقط ولاتستخدم داخل المدينه موقع السياره غرب الرياض مخرج 35 حي المهديه للتواصل وتساب لاهنتوا الي يبي يشوفها لان السياره عند منزل الوالد وانا بعيد عنها شوي فننسق للي يبي يشوفها ويجربها ورجاء خاص لاتسوم الا اذا لك رغبه وصامل ودمتم بخير