فورد فوكس ST 2016 قير عادي بنزين الممشى: 92 ألف كيلو الله يمسيكم بالخير .. اعرض لكم سيارتي الشخصيه من نوع فورد فوكس فئة ST الرياضية موديل 2016 للاسف مالي خبره بالسيارات الرياضيه ولاّ كان وصفتها لكم بالتفصيل كمّلت معي سنه من اروع مايكون امانةً فيها تعديلات كثيره ومن شركات معروفه وقطع اصلية واعتقد والله اعلم مع التعديلات اللي عليها توصل ل 350 حصان على كلام الرجل الذي اخذتها منه وادعي له كل ماذكرته ، عز الله انه عطاني الموتر نظيف جداً ومريح مع انه رياضي وعزمه قوي بشكل غريب حتى فحص والله مافحصتها ، اخذته بكلامه هاتفياً وماشفتها الا في البسامي ، ف جزاه الله خير كل الجزاء عموماً قطع الوكاله جميعها موجوده والاضافات اللي اذكر انتركولر داون بايب برمجة كوب ميثانول سيستم صياناتها معي في بيترومين بطارية جديدة من بترومين بنزينها ما اعبي الا 95 احمر عداد الضغط ما اذكر انه وصل ل 4000 الموتر ولله الحمد مايشتكي من شي ابداً عزل ورساوه وقوه وصرفيه ممتااازه وساوند سيستم رائع والتكييف بارد ثلج ما كأنه امريكي ومقاعد رياضية مريحه جداً وممتع الموتر الصراحه قيادة في الخط وحتى في الشوارع الضيقه لا يوجد سبب محدّد للبيع لان ماكان فيه نيّه اصلاً ولكن الحمد لله على ابتلائهِ قبل نِعمِه بالنسبه للسعر ، مايرضي الله سبحانه وتعالى ثم المشتري والبائع ومن يتق الله يجعل له مخرجًا * ويرزقه من حيث لا يحتسب والسلام عليكم