السلام عليكم، وأسعد الله مسائكم جميعاً فود ترك كامل بجميع معداته للتقبيل، ويشمل التالي ايضاً: -العلامة التجارية (براند موثق من الهيئة السعودية للملكية الفكرية) كلفتني 7،500 ريال - سجل تجاري ساري وموثق من الغرفة التجارية - رخصة بلدية سارية وموثقة من بلدية الخبر - عامل مدرب على جميع معدات الترك وجميع اصناف الاكل ب المنيو *للمهتمين من المنطقة الشرقية* - موقف موثق ورسمي ب ايجار شهري ساري في مجمع قرية القصيبي بالخبر (حي اليرموك، مقابل فندق الميريديان، قريب من الكورنيش) الموقف يشمل توفير خدمات الترك الاساسية مثل المولد وتصريف المياه، ولهذا السبب لا يوجد مولد خاص بالترك. الترك كامل تم تفصيله من الالف الى الياء عن طريق احد المصانع المختصة بالتركات في الخبر، وايضاً تم تفصيل القلاية على ما تناسب عملنا بكلفة 4000 ريال تقريباً. باقي المعدات مثل الصاج والقلاية الهوائية والثلاجة…. الخ. تم شرائها جاهزة طبعاً. فرصة استثمارية لمن اراد ان يأخذ الترك ويباشر فيه بنفس المنيو والاصناف، بحيث ان الترك عنده حسابات كاملة جاهزة ومجهزة بالمتابعين والمحتوى والاعلانات في انستقرام وتيك توك حساب الانستقرام (معلومات المنيو وجميع الاصناف ب هايلايت الحساب): Thecurb_sa حساب التيك توك (اعلى مقطع مشاهدات بحسابنا وصل الى نصف مليون مشاهدة زي ما يتوضح لكم داخل الحساب): Thecurb_sa واللي له رغبة بأنه ياخذ الترك بسجله التجاري ويباشر فيه ببراند ومنيو جديد، له كامل الحرية اكيد. للأمانة وحتى تكون البيعة خالية من اي شائبة، يوجد عيب مصنعي في كفرات الترك بحيث انه يصعب تبديل الكفرات الا عن طريق لحام يقوم بتعديل الشاصي من الاسفل، لهذا السبب لمن اراد ان ينقل الترك لموقع اخر عليه انه يجيب سطحة. سبب البيع: الترك شغال له اكثر من 3 سنوات للان (منذ ديسمبر 2021) وشاركنا بعدة ايفنتات من ضمنها اليوم الوطني ب اثراء، وشاطئ ارامكو. لكن انا وشريكي اصبحنا غير متفرغين ابداً وما قدرنا نعطي اهتمام للبزنس بالذات اخر سنة بحكم ظروفي الشخصية ولأن شريكي جاه نقل خارج الشرقية، وعلى الوتيرة هذي البزنس ما راح يصمد لعل وعسى يروح الترك لمالك جديد يكون متفرغ له ويباشر عليه، ويبشر بالخير وكل واحد وعلى شطارته 👍 المبلغ: على اعلى سوم ابشروا بالبيع السمح، وماني داخل على طمع، لكن اتمنى ما تبخسوني ببضاعتي. للتواصل خاص، او واتساب فقط (الرجاء عدم الاتصال على الرقم)